E fundit!

21:26 Politikë

Balla reagon ndaj Athinës: Narta është tokë shqiptare, autoktone

Kryetari i Grupit Parlamentar të Partisë Socialiste dhe Dr...

Si po e ndryshon kulturën e të blerit online në Shqipëri Dyqan Taxi

25 Tetor 2018, 09:09, Aktualitet CNA

Pas marrjes në zotërim nga Grupi Balfin, kompania gati të trefishojë produktet

Vendet e zhvilluara po evoluojnë aq shumë gjatë kohëve të fundit sa duket sikur bota e tregimeve fanta-shkencore po bëhet realitet. Inteligjenca artificiale po prodhon makineri më të zgjuara se njerëzit; inxhinieria gjenetike po krijon pajisje që ndihmojnë njerëzit të rrisin kapacitetet e tyre dhe të bëhen ?super? njerëz.

Po në Shqipëri përse ky realitet duket kaq larg dhe është pothuajse i paprekur nga konsumatori vendas? Cili është shkaku që konsumatori shqiptar nuk po shijon risitë që ofron tregu i sotëm?

Këto janë pyetje që në Dyqan Taxi janë shpesh prezente në diskutimet që bëhen mes ekspertëve. Nga analizat që janë bërë, të gjithë lojtarët në treg kishin të njëjtën përgjigje: Konsumatori shqiptar nuk ishte gati për këtë mënyrë inovatore të të blerit të produkteve.

Por stafi i www.dyqantaxi.com, e sheh mjaft ndryshe. Pas 6 vitesh në industrinë e shitjeve online ata mendojnë se konsumatori është plotësisht gati për të prekur risitë që ofron tregu. Ai mund të ketë diferenca me konsumatorët e vendeve të tjera, por serish kryen më shumë se 300 porosi në ditë. Kjo tregon qartë se problemi nuk qëndron tek konsumatori.

Po përse sërish tregu mbetet kaq mbrapa?

Sot gati 10% e shitjeve me pakicë në botë, në shumicën e kategorive të produkteve, ndodhin online dhe ky trend sa vjen dhe rritet. Ndërkohë, në Shqipëri jemi akoma shumë larg këtij realiteti.

Me sa duket problemi qëndron tek kompanitë të cilat nuk bëjnë punën apo nuk kanë strategjinë e duhur për ta bërë konsumatorin të përdorë këto risi dhe problemi nuk është konsumatori në vetvete. Kjo vërtetohet qartë me rastin e suksesit të www.dyqantaxi.com në të cilën nga të dhënat që ajo zotëron, janë regjistruar mbi 50.000 konsumatorë shqiptarë. Gjithashtu, shembuj të tjerë të ngjashëm e tregojnë një gjë të tillë.

Për shembull koncertet që u bënë këtë verë në Tiranë janë rasti tjetër i suksesit të shitjeve online, si ai i Daddy Yankee apo Alban Skënderaj, që i shitën të gjitha biletat online; e njëjta gjë ndodhi me maratonën e Tiranës 2018, ku u shitën të gjitha biletat vetëm online.

Megjithatë, sërish këto suksese janë të vogla në numër sepse pak kompani janë të gatshme të punojnë dhe investojnë për ta realizuar procesin në mënyrën e duhur, dhe të ofrojnë sigurinë e duhur online. Nëse konsumatori nuk përdor shërbimet e kompanive është detyra e tyre të gjejnë zgjidhje për ta bërë atë t?i përdorë ato. Është detyra e tyre ta thjeshtëzojmë procesin; të investojnë në marketing apo të sigurojnë çmimet dhe cilësinë e duhur për ta bërë konsumatorin shqiptar të përdorë shërbimet e tyre.

Pikërisht këtë po planifikon të bëjë edhe www.DyqanTaxi.com. Tashmë si pjesë e Grupit Balfin, ajo ka përfunduar një plan ambicioz për 5 vitet e ardhshme. Ka krijuar një infrastrukturë e cila mund të përballojë mijëra porosi në ditë. Kompania në bashkëpunim me furnitorët më të mirë do të ofrojë shumëllojshmërinë më të madhe të produkteve për çdo kategori që ofron, vetëm një klikim larg, tek portali www.dyqantaxi.com .

Aktualisht, tek portali më i madh i librit www.bukinist.al të po kësaj kompanie, ofrohen të gjitha librat e botuara në shqip. Ky portal është shpallur si mediumi që ka nxitur më shumë leximin këtë vit.

Mbi 15.000 produkte mund të blihen pa kartë krediti nga Facebook ose Instagram

Sot në platformën www.dyqantaxi.com ka mbi 15.000 produkte në dispozicion të konsumatorit por po punohet që kjo shifër të trefishohet vitet e ardhshme.

Ndër produktet më të kërkuara janë ato elektronike, TV-të, pajisjet për shtëpi dhe fëmijë, librat, Smartphone, pajisjet e kujdesit personal, produtket artizanale, të modës, etj.

Duke ofruar shumëllojshmëri të madhe produktesh, me çmime konkurruese, edhe konsumatori do të nisë të ndryshojë mënyrën e të blerit. Shumë shpejt konsumatori ashtu si në Amerikë apo Europë do të kuptojë se nuk ka asnjë arsye për të sakrifikuar nga koha e tij për blerjet që dëshiron të bëjë.

DyqanTaxi ka një departament të dedikuar për plotësimin tek portali i tij me më shumë informacion se sa ka pasur ndonjëherë konsumatori për produktet që blen. Kapaciteti i departamentit është të plotësojë dhe publikojë online mbi 50 produkte në ditë. Konsumatori do të mund të aksesojë informacionin më të madh që ka pasur ndonjëherë në shqip për atë që konsumon.

Aktualisht DyqanTaxi ka 50 punonjës të dedikuar që klientët të porosisin produktet që duan shumë lehtë, duke nisur që nga telefoni, rrjetet sociale si Facebook, Instagram, apo kompjuteri i punës, pa patur nevojë për kartë krediti. Gjithashtu konsumatori ka të drejtë të kthejë produktin pa asnjë arsye thjesht sepse nuk i pëlqen më. Mbi 300 klientë të ndryshëm zgjedhin përditë të përdorin shërbimin e DyqanTaxi. Të gjitha këto dhe shumëllojshmëria e markave cilësore që ka online do t?i japë besimin e duhur për të filluar blerjen e produkteve online edhe në faqet shqiptare.

Është një sfidë e vështirë por duket se për herë të parë Dyqan Taxi e ka marrë aq seriozisht sa të ndryshojë kulturën e konsumatorit edhe në Shqipëri ashtu si ka ndodhur në Amerikë dhe Europë vite më parë.

Dyqan Taxi është pjesë e Grupit Balfin, grupi më i madh dhe inovator i investimeve në Shqipëri dhe një ndër më të mëdhenjtë në rajon, i njohur për investimet në qendrat tregtare QTU, TEG dhe SEG, zhvillimet e zonave rezidenciale dhe tregtare, në turizëm me projekte si Green Coast Resort dhe Vala Mar Residences, në industrinë e modës dhe atë minerare, si dhe në aktivitetet e shitjeve me pakicë me rrjetet e dyqaneve Neptun, Jumbo, SPAR etj./CNA.al