E fundit!

10:21 Aktualitet

PD bojkoton sërish seancën

Partia Demokratike ka bojkotuar edhe seancën e sotme në Pa...

Përçahet mazhoranca/ Xhafaj dhe Veliaj, aleancë të fshehtë me LSI

25 Tetor 2018, 08:41, Aktualitet CNA

Operacioni i zhvilluar të dielën për arrestimin e 34 personave, mes të cilëve dhe dy ish-deputetë tregoi se në heshtje po gatuhet një aleancë e fshehtë mes ministrit Fatmir Xhafaj, kryebashkiakut Erion Veliaj dhe LSI. Nëse i shohim me radhë faktet, sinjalet janë se po punohet kundër qeverisë dhe bëhet fjalë për një betejë mjaft të ashpër.

PD ka 3 ditë që reagon duke e kritikuar operacionin e të dielës, pasi sipas tyre, janë lënë jashtë bosët e vërtetë të krimit. Por nuk ndodh kështu me LSI. Kjo e fundit i ka thurur lavde Xhafajt dhe po tregon se është krah tij.-shkruan gazeta Sot.

E para ishte Monika Kryemadhi që doli hapur në mbështetje të tij. Të martën ajo vlerësoi hapur operacionin e policisë, ndryshe nga sa e kritikoi PD. ?Kemi dëgjuar për arrestimet e fundit që kanë ndodhur në Shqipëri që është një sinjal shumë i mirë për hir të së vërtetës, për shkak të sigurisë, është një sinjal shumë i mirë për të rinjtë, për t rejat, për popullin shqiptar, si një mundësi për të parë që diçka do të fillojë dhe do të shkojë në vend?, tha ajo në një takim në Vlorë.

Çdokush mund të thotë se kjo nuk tregon asgjë, por është një tjetër eksponent i LSI që fakton aleancën Meta-Xhafaj-Kryemadhi. Ish-deputeti i LSI, Flamur Çelaj ka bërë një status në rrjetet sociale, ku tregon hapur bashkëpunimin e tyre kundër Ramës. Ai sot mban postin e kreut të Komisionit të Sigurisë në LSI.?Përfitoj nga rasti të shpreh përkrahjen time për Policinë e Shtetit të cilët i inkurajoj të vazhdojnë operacionet e tyre për çrrënjosjen e krimit në mbarë vendin. Për ministrin Xhafaj, pastërtinë morale të të cilit nuk e kam vënë kurrë në dyshim, i jap të njëjtin inkurajim, por me një këshillë: Mos lejo kryeministrin të interferojë në drejtimin politik të dikasterit që ti drejton, pasi ai do sabotojë punën tënde dhe do komprometojë imazhin tuaj në sy të shqiptarëve dhe partnerëve ndërkombëtarë?, ka thënë ai.

Pjesë e aleancës duket se është dhe kryebashkiaku Veliaj. Ky i fundit ka disa ditë që vetëm thur lavde ndaj ministrit të Brendshëm. E fundit ishte të martën. Ai vlerësoi jashtë mase operacionin e ndërmarrë për arrestimin e 34 personave. Po ashtu i thuri lavde ministrit Xhafaj, ndërkohë që policia bëri vetëm detyrën. Nga ana tjetër është fakt që Veliaj ka marrëdhënie shumë të mira me Metën.

Kreu i shtetit dhe pak ditë më parë e pranoi se ka marrëdhënie të shkëlqyera me të pavarësisht debateve për teatrin. Ndërkohë Kryemadhi i dha atij 6 këshilltarë bashkiakë. Por ajo që e vërteton më së miri se LSI ka një pakt me Xhafajn janë dhe mediat pranë saj. Asnjë prej tyre nuk sulmon ministrin dhe madje e kanë vlerësuar. Nëse kthehemi pas në kohë, LSI nuk reagoi për çështjen e vëllait të Xhafajt. Madje, Kryemadhi ishte ajo që tha se nuk mund të mbajë Xhafaj përgjegjësi për punët e të vëllait.