web counter
LEXO PA REKLAMA!

SHKARKO APP

App Store
Google Play

E fundit!

x

Ç’duhet të dini për menopauzën sa jeni ende e re dhe jo vetëm

20 Tetor 2018, 08:53, Lifestyle CNA

Shumë gra, përfshirë ato që ndodhen në menopauzë, nuk e dinë ç?u ndodh trupave të tyre gjatë kësaj faze të jetës. Në fakt, kur kërkuesit pyetën 500 gra menopauzale të shpjegonin dallimin mes perimenopauzës, menopauzës dhe post-menopauzës, më shumë se gjysma nuk arritën të përgjigjeshin saktë. Dukshëm, mungon informacioni rreth kësaj periudhe.

Në vijim do të përmbledhim disa prej artikujve mbi menopauzën, gjithë ç?duhet të dini sa jeni ende e re dhe jo vetëm.

Shenjat e para të menopauzës nisin në të tridhjetat

Me fjalë të thjeshta, menopauzë quhet ajo periudhë e jetës ku gruaja ndalon së ovuluari dhe nuk i vijnë më periodat. Sidoqoftë, ky nuk është një proces që ndodh brenda natës. Simptomat e menopauzës nisin vite më herët, në një fazë që quhet perimenopauzë.

Perimenopauza i referohet viteve të ciklit riprodhues ku funksionet ovariane bëhen të parregullta. Prodhimi i estrogjenit nga vezoret është i çrregullt dhe i paparashikueshëm dhe si rrjedhim shkakton simptoma menopauzale. Simptomat në fjalë janë afshe të nxehti dhe perioda të humbura.

Mbahuni fort pas kontraceptivëve, edhe për pak më gjatë

Një grua nuk konsiderohet në menopauzë deri kur të mos i vijnë periodat për 12 muaj konsekutivë. Gjatë kësaj periudhe, edhe pse ka shumë pak mundësi, gruaja mund të mbesë shtatzënë. Shtatzënia pas të pesëdhjetave mund të jetë problematike pasi shfaq probleme për nënën dhe fëmijën.

Nga ana tjetër, nëse një grua ka ngrirë vezët, mund të mbesë shtatzënë me anë të fertilizimit in vitro edhe gjatë menopauzës.

Afshet e të nxehtit mund të nisin goxha herët

Rreth 80% e grave në menopauzë përjetojnë afshe të nxehti dhe sipas një studimi të 2015-s, këto afshe të nxehti që nisin edhe gjatë periodave ndodhin rregullisht për mestarisht 11.8 vite. Në fjalë të tjera, një nga simptomat e menopauzës mund të shfaqet 10 vite para se një grua të hyjë realisht në menopauzë.

Truri mjegullohet

Kujtimet e turbullta dhe të paqarta janë të frikshme dhe krejtësisht normale në menopauzë. Nivelet e ulëta të estrogjenit shkaktojnë rënie në nivelet e serotoninës dhe dopaminës. Si rrjedhim, kujtesa përkeqësohet, përqëndrimi po ashtu. Kini parasysh që këto simptoma janë të përkohshme dhe nuk keni pse shqetësoheni.

Menopauza është çlirim

Për disa gra, menopauza është shpëtim. S?kanë pse shqetësohen më në mos ngelin shtatzënë dhe s?kanë pse mbrohen. Për gratë që vuajnë nga perioda të dhimbshme, ky është një shqetësim i të shkuarës.

Shenja të tjera të menopauzës

-Qime në vende të papritura

Ironikisht, ndërkohë që flokët në kokë mund të nisin të dobësohen, shfaqen disa qime të reja aty ku nuk duhen, në mjekër, faqe apo pjesën e sipërme të buzëve. Kjo ndodh për shkak të ndryshimit të raportit të androgjenit me atë të estrogjenit në trup. Teksa nivelet e estrogjenit bien me shpejtësi, ato të androgjenit ulen më ngadalë.

-Erë e pakëndshme e trupit

Rënia e estrogjenit e bën gjëndrën e hypothalamus-it të mendojë se keni shumë vapë, ndaj trupi sinjalizohet për të djersitur sa më shumë në mënyrë që të ftohet temperatura e trupit.

-Humbje e materialit kockor

Humbja e dendësisë së kockave ndodh për shkak të rënies së niveleve të estrogjenit në trup. Mund të humbni deri në 20% të materialit kockor gjatë 5 vivete të para të menopauzës, arsye kjo përse osteoporoza është një nga problemet më të hasura të kësaj faze.

-Urinim i shpeshtë

Muskujt nisin të dobësohen me renien e estrogjenit duke e bërë të vështirë mbajtjen e urinës.

Zbulimi i madh i shkencës: Zgjidhja gjeniale për shëndetin e menopauzës!

Për gratë e moshave të mesme që kanë probleme me shtimin në peshë, gjetja e studimeve të fundit mund të jetë një mrekulli. Sipas kërkuesve, jemi shumë afër zgjidhjes së çrregullimit që ndikon jo vetëm tek paraqitja por edhe shëndeti i grave.

Sipas studiuesve, një hormon niveli i të cilit ngrihet gjatë menopauzës mund të jetë përgjegjësi për grumbullimin e dhjamit rreth zonës së barkut, duke e deformuar formën e trupit. Por ndikimi më i rëndë që ka ky hormon është dobësimi i kockave, një prej shqetësimeve më të përhapura tek gratë pas menopauzës.

Nga eksperimentet e kryera tek minjtë, studiuesit kanë kuptuar se duke e bllokuar prodhimin e këtij hormoni këto efekte negative të menopauzës mund të ndalohen. U vu re se duke e bllokuar arrihej rënia në peshë, përhapja e dhjamit në mënyrë më të njëtrajtshme dhe forcimi i kockave.

Ndërhyrja për të ndaluar prodhimin e këtij hormoni klasifikohet ndër më të thjeshtat, ndaj edhe shkencëtarët janë shumë optimistë. Disa prej tyre kanë shprehur besimin se përmes kësaj ndërhyrjeje, mund të zgjidhen më në fund dy shqetësimet më të mëdha të grave në menopauzë. Ideja është mbështetur nga ?New England Journal of Medicine? dhe ?Cell Metabolism?, dy prej revistave më prestigjioze shkencore për shëndetin dhe mjekësinë.

Bëhet fjalë për hormonin F.S.H., i njohur si përgjegjësi për zhvillimin e vezëve tek gratë dhe spermës tek burrat. Ndonëse njihet gjerësisht si një hormon me funksion riprodhues, Dr. Mone Zaidi vuri re se në fakt, F.S.H. ndikon edhe tek dendësia e kockave. Për ta ndaluar këtë, ekipi i Dr. Zaidi-t krijoi një antitrup që bllokoi prodhimin e hormonit tek minjtë.

Pas kësaj, u vu re se trupi i minjve nuk po grumbullonte më dhjamë pra, nuk po prodhonte qeliza dhjami në vend të qelizave të kockës. Përkundrazi; humbën sasi të mëdha yndyrnash në trup.





Lajmet e fundit nga