Lufta Meta-Basha, për KLSH-në

16 Tetor 2018, 09:33, Aktualitet CNA

Në 22 dhjetor 2018 mbaron mandati i kreut aktual të Kontrollit të Lartë të Shtetit, Bujar Leksaj, dhe ndërkohë që presidenca ka hapur garën dhe pritet të dalin emrat e tjerë, CNA.al ka zbuluar dy emra, Helga Vukaj dhe Bahri Shaqiri.

Të dy emrat i përkasin opozitës zyrtare. Helga Vukaj, produkt i Republikës së Re, dhe ish ministre e Financave në 3 muaj bashkëqeverisje Rama-Basha. (Lexo CV e Helga Vukaj) Ndërsa Bahri Shaqiri, ish-kreu i SHISH, aktualisht këshilltar i Presidentit Ilir Meta, por një emër me eksperiencë administrative dhe mjaft me përvojë.(Lexo CV e Bahri Shaqirit)

Të dyja janë kandidatura të opozitës. Pra duket se do të ketë një luftë mes Ilir Metës dhe Lulzim Bashës, të cilën nuk e zgjidh dot Monika Kryemadhi, për disa arsye.

Së pari, Ilir Meta punon dhe vepron si independent nga Monika, që do të thotë se nëse ai e ka ndarë mendjen për të marrë kontrollin e KLSH-së, duke u shtirur se ka nën kontroll partinë e bashkëshortes së tij, LSI-në, gjithçka duket e qartë. Ilir Meta do ta kapë dhe do ta marrë KLSH-në dhe s?ka pse pyet Lulzim Bashën. Partinë e ka në opozitë, kandidatura nuk duket se kontestohet dhe palët mund ta votojnë. Kështu që ai që ngelet me ?gisht në gojë?, është Lulzim Basha me kandidatët e tij, për të mos thënë që mund t?i ketë mbyllur pazaret e tij dhe bën rolin si gjithmonë pas marrëveshjeve me Edi Ramën.

Por, në rast se do të kemi një garë të vërtetë, pritet të ketë një betejë të Ilir Metës me Lulzim Bashën

Pra, nëse Lulzim Basha do kërkojë që ta mbajë KLSH-në dhe të mos e lëshojë, pra të jetë institucion që të kontrollohet nga opozita, për të pasur transparencë mbi sjelljen dhe procedurat që përdor qeveria, mbi korrupsionin për të cilin akuzohet dhe kontrollin që duhet të ketë opozita mbi qeverinë.

Nëse do të ishte kështu, KLSH-ja është institucioni i duhur. Por, në rastin kontret duket se përtej dëshirave të Lulzim Bashës, qëndron Presidenti, i cili shpesh bën rolin e opozitarit në raport me qeverinë, siç ishte rasti i kthimit në Kuvend të ligjit për Teatrin, apo qëndrime të tjera, të cilat vijnë nga Ilir Meta për shkak të mbështetjes që merr në opinionin publik.

Duket se me lojën që është opozitë, Presidenti do të kërkojë të marrë frenat e Kontrollit të Lartë të Shtetit dhe atje të zgjedhë njeriun e tij dhe Ilir Meta dihet se nuk është nga ata që fal, kur ka në dorë mundësinë për të marrë kontrollin e institucioneve.

Tashmë, do të duket në fakt vërtetë si do ecë koalicioni PD-LSI. Do të kemi një koalicion që vazhdon dhe drejtohet nga Lulzim Basha ku vendoset përfaqësimi i opozitës, apo Ilir Meta nuk do të pyesë fare për Lulzim Bashën dhe të tregojë se nuk është ai kryetari i opozitës, nuk e pyet më njeri atë, por ai bën si i do qejfi dhe vendos si përfaqësues të opozitës ata që i interesojnë Ilir Metës?

Presidenti kështu e sfidon edhe një herë Lulzim Bashën dhe hap një betejë me të. Një betejë e cila mund të vijë si kundërpërgjigje e sjelljes që pati Luli gjatë zgjedhjeve të vitit të kaluar, ku pas marrëveshjes me Ramën, ishte gati ta ?kryqëzonte? dhe ta burgoste Ilir Metën./CNA.al

Ekskluzive-Kreu i KLSH, betejë Basha-Meta/ Zbulohen dy kandidatët, ja ku shkon Leskaj