Kapja e strukturave/ Basha urdhëron manipulimin e zgjedhjeve në bazë

15 Tetor 2018, 07:13, Aktualitet CNA

Enno Bozdo, sekretari që nuk u vu as deputet vazhdon misionin për shkatërrimin e PD këtë herë në Berat.

Njeriu që shpartalloi dhe shkatërroi strukturat në Korçë e qendër, njeri që bie si kolere mbi demokratët duke përçarë e futur në konflikt bazën ka filluar coptimin e PD-së të ngelur në Berat.

Gjergj Kostandin Bumbli, kryetari i grup seksionit dy në Berat, nëpërmjet një postimi në rrjetet sociale, ka zbuluar prapaskenat për manipulimin e zgjedhjeve në bazën e PD-së.

Në postimin e tij, ai bën të ditur se ka fituar dje zgjedhjet, sipas statusit të PD-së një anëtar një votë, por rezultati është kontestuar nga i dërguari i Bashës në Berat, Enno Bozdo.

Ky i fundit pretendon se rezultati ka dalë në balotazh, ndërkohë që Bumbli thekson se ?Ishim 3 kandidatë. Kur filloi numërimi i votave, unë mora 32 vota, kandidati tjetër 31 vota, kurse tjetri 5 vota. Me statusin e PD-së, një anëtar një votë, unë dal automatikisht fitues…mora urime…por i deleguari i grupit të punës nga Tirana, zoti Eno Bozdo thotë jemi në balotazh dhe do të votoni prapë javën tjetër…? .

Më tej ai shpreh zhgënjimin e tij në lidhje me situatën në PD, pasi sipas tij ka tendenca për të larguar të djathtët.

Postimi i plotë:

Padrejtësia dhe zhgënjimi vazhdon në PD Berat. Dje u zhvilluan zgjeddjet për kryetar grupseksionesh në degën tonë. Unë si ish-kryetar grup-seksioni rikandidoja prapë. Votimet u zhvilluan në rregulll. Ishim 3 kandidatë. Kur filloi numërimi i votave, unë mora 32 vota, kandidati tjetër 31 vota, kurse tjetri 5 vota. Me statusin e PD-së, një anëtar një votë, unë dal automatikisht fitues…mora urime…por i deleguari i grupit të punës nga Tirana, zoti Eno Bozdo thotë jemi në balotazh dhe do të votoni prapë javën tjetër…E pa drejt përse sipas statusit një anëtar, një votë nuk ka punë me përqindje votuesish…por ka tendenca për të larguar të djathtët nga PD-ja. I kërkoj PDSH-së të zbatojë vetëm statusin që ka gatuar vetë. Mua nuk mi heq njeri bindjet e mija. Dhe më thinë ankimojë këtë problem që ke. Për mua dhe gjithë demokratët ky është një zhgënjim që na bëjnë. Kam 28 vjet që investoj pranë PD dhe fundi del zhgënjim./CNA.al