web counter
LEXO PA REKLAMA!

SHKARKO APP

App Store
Google Play

E fundit!

x

Stres në punë? Kompania në Zelandën e Re gjen zgjidhjen ideale për punëtorët e saj

3 Tetor 2018, 11:53, Kuriozitete CNA

Një kompani në Zelandën e Re ka kryer një testim lidhur me ditët e punës për punëtorët e saj.

Kompania e quajtur “Perpetual Guardian” vendosi që të japë edhe një ditë më shumë pushim për punëtorët e saj, duke bërë që ata të punojnë 4 ditë dhe të kenë 3 ditë pushim, për të parë efikasitetin që ata do kishin në punë.

Biznesi në fjalë menaxhon fonde besimi, testamente dhe planifikime pasurish ndërkohë që bëri këtë testim gjatë muajve Mars dhe Prill.

Punëtorët e tyre do të punojnë 4 ditë por do të paguheshin për 5 të tilla.

Akademikët që studiuan testimin dolën në përfundimin se, stafi në zyrat e kompanisë në të gjithë vendin tregoi nivele më të ulëta stresi, nivele më të larta kënaqësie nga puna dhe përmirësim të balancës mes punës dhe jetës private.

Themeluesi i kompanisë Andrew Barnes tha se stafi i tij mund të zgjidhte të punonte 4 ditë me nga 8 orë, ose të punonte 5 ditë por me orare më të shkurtuara.

Ai vendosi të nisë këtë praktikë të re në kompaninë e tij pasi pa se sa presion kishin disa prej punonjësve për të menaxhuar jetët e tyre personale dhe profesionale.

Ai doli me idenë se nëse ata do të qëndronin një ditë më shumë në shtëpi do të ishin më produktiv në punë, test i cili rezultoi me sukses.

Ndoshta kompanitë shqiptare duhet të ndjekin një shembull të tillë, pasi në shumë vende pune punëtorët duhet të punojnë 6 ditë jave, me nga 8 orë ose me orare të tej zgjatura, si edhe me rroga mujore të ngjashme me ato ditore në Zelandën e Re.





Lajmet e fundit nga