web counter
LEXO PA REKLAMA!

SHKARKO APP

App Store
Google Play

Rrëfimi i një nëne të shkatërruar: Si lindi gjallë dhe vdiq im bir, pasi i bëra gjilpërën e abortit

30 Shtator 2018, 10:40, Aktualitet CNA

Një nënë e re në moshë ka përjetuar momentin e rëndë të sjelljes në jetë të foshnjës së saj dhe më pas të vdekjes së të voglit, si pasojë e medikamenteve për abort që ajo kishte përdorur me këshillën e mjekut.

35-vjeçarja Sofia Khan ka pranuar të bëjë një gjilpërë për t?i dhënë fund shtatzënisë.

Sipas mjekëve, injeksioni që i kishin bërë ishte 100% i sigurt dhe aborti do të kryhej në normalitet të plotë, si çdo abort tjetër.

Disa orë pas injeksionit, e reja solli në jetë fëmijën e saj, i cili ishte i gjallë, por ndërroi jetë rreth një orë pasi erdhi në këtë botë.

Nëna 35-vjeçare mori vendimin për të ndërprerë shtatzëninë në muajt e vonë, pasi i vogli u diagnostikua me probleme në ngjizje.

Gjatë orëve të para që ishte futur në sallë për të kryer procesin e abortit, ajo u ka thënë mjekëve se e ndiente fëmijën të gjallë dhe duke shqelmuar, por ata i janë përgjigjur se gjithçka ishte pjesë e imagjinatës së saj.

Khan tha:

Është një vendim shumë i vështirë për t?i dhënë fund shtatzënisë dhe kisha shumë dyshime, por na thanë se fëmija ynë kishte probleme të shumta dhe nuk do të mbijetonte edhe nëse do të lindte.
Pas injeksionit të abortit, nisa ta ndjej duke lëvizur, por një infermiere më tha se ishte e pamundur.
Edhe vetë u binda se po imagjinoja të voglin tim duke lëvizur. Kur linda, e dëgjova duke qarë.
Isha e shokuar. Të gjithë i kishte kapur paniku.
E mbajta në krahë, e putha dhe i thashë që e doja shumë.
Nuk ndaloj dot së menduari që ai lindi i gjallë pasi donte të kishte një përqafim dhe përkëdhelje nga mami i tij, donte që unë t?i shikoja fytyrën.
Askush nuk më dëgjoi dhe nuk më besoi kur u thashë që ai ishte ende gjallë.
Jam e shkatërruar nga kjo që ndodhi, por nga njëra anë jam edhe e lumtur që munda ta mbaj në krahë”.





Lajmet e fundit nga