web counter
LEXO PA REKLAMA!

SHKARKO APP

App Store
Google Play

Rama jep lajmin e mirë për prindërit e rinj/ 8-fishohet bonusi për bebet

26 Shtator 2018, 08:59, Aktualitet CNA

Kryeministri i vendit Edi Rama gjatë prezantimit të platformës sociale të projekt buxhetit të 2019-ës dha një lajm të mirë për të gjithë prindërit e rinj.

Rama është shprehur në fjalën e tij se në 1 janar të vitit të ardhshëm fëmija i parë i një çifti do të marrë 8 fishin e bonusit, pra 400 mijë lekë. Fëmija i dytë sipas kryeministrit do të marrë 16 fishin, 800 mijë lekë, dhe për fëmijën e tretë 24 fishin, 1 milionë e 200 mijë lekë.

“Me heqjen  e taksës së sheshtë kemi mundësuar që 57.3 mld, të mos shkojnë në arkën e shtetit por të shkojnë në xhepin e qytetarëve.

Do të ketë rritje pagash në ushtri, lehtësime taksash për një pjesë të konsiderueshme dhe shumë aktive të biznesit që do të hyjë në kategorinë e biznesit të vogël.

Në vitet 2000 unë pata lançuar çekun e bebes, i cili u prit shumë mirë, por mbeti aq sa ishte për shumë vite, dhe u kthye në një problem.

Në malin e borxheve nga qeveria e mëparshme kishim një borxh prej 5 milion dollarësh për bebet që nuk kishin marrë paratë.

Që nga 1 janari, i vitit të ardhshëm, fëmija i parë i një çifti do të marrë 8 fishin e bonusit, pra 400 mijë lek. Fëmija i dytë, 16 fishin, 800 mijë lekë. Fëmija i tretë, 24 fishin, 1 milionë lekë. Ndihmë për familjet që kanë vështirësit e tyre dhe me lindjen e fëmijëve do të jenë të përkrahur.

Këto janë masa që do të nxisin mentalitetin, dhe janë masa për të gjithë” u shpreh Rama./CNA.al





Lajmet e fundit nga