web counter
LEXO PA REKLAMA!

SHKARKO APP

App Store
Google Play

E fundit!

x

Sherr me thika/ Plagosen babë e bir

21 Shtator 2018, 07:37, Aktualitet CNA

Një ngjarje e rëndë ka ndodhur mëngjesin e sotëm në Bulqizë, ku një 52 vjeçar dhe një 16 vjecar (babë e bir) janë plagosur me thikë nga kushëriri i tyre.

52 vjeçari me inicialet SH.M është plagosur nga kushëriri i tij 38 vjeçari Vullnet Muça, banues në Ostren i Madh.

Mësohet se 38 vjeçari ka plagosur lehtë dhe shtetasin A. M, 16 vjeç, djalin e shtetasit SH.M, i cili pas mjekimit ka dalë nga spitali.

Bëhet e ditur se ngjarja ka ndodhur pas një konflikti për pronat.

38-vjeçari është arrestuar në flagrancë për plagosje të rëndë me dashje me armë të ftohtë.

Njoftimi i policisë:

Bulqizë

Ndërhyrja në kohë e Policisë parandalon përshkallëzimin e mëtejshëm të një konflikti për motive pronësie  ndërmjet kushërinjve.

Arrestohet në flagrancë 38-vjeçari për plagosje të rëndë me dashje me armë të ftohtë (thikë)

Procedohet penalisht edhe një shtetas tjetër për plagosje të lehtë me dashje.

Policia e Bulqizës  ka bërë arrestimin në flagrancë të shtetasit:

Vullnet Muça, 38 vjeç, banues në fshatin Ostren i Madh,  Bulqizë,  për veprën penale ?Plagosje e rëndë me dashje” , “Mbajtje e armëve të ftohta”, parashikuar nga nenet 88 e 279 të Kodit Penal.

Ky shtetas  rreth orës 21.40 pas një konflikti për motive pronësie ka plagosur  me armë të ftohtë thikë shtetasit Sh. M.,  52 vjeç ,lindur e banues në fshatin Ostren i Madh,  Bulqizë,  duke i shkaktuar dëmtime të rënda në trup , i cili   është dërguar   me ambulancë në Spitalin Ushtarak Tiranë për shërbim më të specializuar,  ndodhet në gjendje të rëndë  .

Si dhe  ka plagosur lehtë shtetasin A. M., 16 vjeç, djalin e shtetasit SH.M., i cili pas mjekimit ka dalë nga spitali.

Gjithashtu po gjatë konfliktit  shtetasi A.M.,  ka plagosur lehtë shtetasin e arrestuar Vullnet Muça, ku ndaj tij ka filluar procedimi penal në gjendje të lirë për veprën penale të “Plagosjes së lehtë me dashje”.

Në cilësinë e provës materiale është marrë dhe sekuestruar arma e krimit (thika  me të cilën autori ka kryer plagosjen e shtetasit Sh.M).

Sa më sipër materialet proceduriale do t’i  kalojnë Prokurorisë Pranë Gjykatës së Shkallës së Parë Dibër, për veprime të mëtejshme./CNA.al





Lajmet e fundit nga