web counter
LEXO PA REKLAMA!

SHKARKO APP

App Store
Google Play

E fundit!

x

Live-“Air Albania” nis zyrtarisht fluturimet/ Ja kush janë pasagjerët e parë

15 Shtator 2018, 06:32, Aktualitet CNA

?Air Albania?, kompania e parë ajrore shqiptare ka nisur mëngjesin e sotëm zyrtarisht fluturimet.

?Pasagjerët? e parë të kësaj linje janë studentët shqiptarë të ekselencës, ndërsa destinacioni është  Tiranë-Stamboll-Tiranë.

Mësohet se do të  ketë  edhe destinacione të tjera në qytetet europiane si Roma, Londra apo Milano. I pranishëm në Rinas në ceremoni ishte edhe kryeministri Edi Rama, i cili tha se studentët e ekselencës janë këmba më e mbarë për të nisur historinë e fluturimeve të kompanisë së parë ajrore shqiptare.

Kompania shqiptare pritet që  të  ofrojë  më shumë mundësi për fluturime ?low cost? nga Shqipëria. Tre ortakët e saj janë ?Albcontrol? me 10%, që përfaqëson palën shqiptare, dhe dy subjekte të tjera, ?Turkish Airlines? dhe ?MDN Investment? me 49 dhe 41%.

Gjatë fjalës së tij nga Rinasi, kreu i qeverisë tha se ?Këtë fluturim të parë të muajit të testit e bëjnë studentët dhe maturantët e ekselencës, është një fluturim simbolik. Gjatë gjithë muajit do të ketë disa të tillë. Arsyeja se përse na shkoi mendja te ju, është sepse jeni, fytyra e ndritur e gjeneratës tjetër dhe meritoni që të keni të gjithë vëmendjen dhe respektin dhe njëkohësisht edhe një dhuratë simbolike për gjithçka keni bërë. Erdha vetëm të përcjell grupin tuaj dhe jam i bindur jeni këmba më e mbarë për kompaninë tonë të flamurit. Tani do ia jap fjalën një vajze, që e kam takuar për herë të parë në gjimnazin ?Ali Demi? në Vlorë, ndërsa sot është studente e ekselencës por nuk jam i autorizuar ta ndaj publikisht, por i uroj vërtetë t?ia dale?.

Avionët do të mbajnë emrat e poetëve shqiptarë. I pari, mban emrin e Lasgush Poradecit. Rama tha dje së në fund të vitit të ardhshëm, kjo kompani do të ketë edhe një linjë direkte Tiranë-Nju Jork dhe ky avion do të mbajë emrin e ?Imzot Nolit?.





Lajmet e fundit nga