web counter
LEXO PA REKLAMA!

SHKARKO APP

App Store
Google Play

E fundit!

x

Ujësjellësit e rinj/ Në tetor nis puna për furnizmin e 70 fshatrave, zonat ku do ndërtohen

12 Shtator 2018, 08:04, Aktualitet CNA

Në muajin tetor nis puna për zbatimin në terren të projekteve për ndërtimin e skEmve të reja të ujësjellësve ruralë që do të furnizojnë me ujë 88 mijë banorë në më shumë se 70 fshatra në gjihë Shqipërinë. Programi ?Furinzimi me Ujë i Zonave Rurale III? do të financohet nga qeveria shqiptare, ajo gjermane përmes bankës Kfw si dhe Bashkimit Europian.  Referuar të dhënave të bëra publike nga autoritetet zbatuese rezulton që i gjithë program të zgjasë 5 vjet dhe ka si qëllim kryesor furnzimin e popullsisë në zonat rurale me ujë të pijshëm 24/orë në ditë.  Në total ky program është ndarë në 4 Lote punimesh, të shtrira në  katër rajonet e vendit.Por cilat janë këto lote dhe fshatrat që përfshin secili prej tyre?

?Loti I, që mbulon rajonin juglindor të Shqipërisë parashikon tri skema të furnizimit me ujë për 16 fshatrat: Menkulas, Ponçarë, Braçaj, Dobraj, Ziçisht, Sul, Gjyres, Fitore, Koshnicë në bashkinë Devoll; Kamenicë dhe Dvoran në Bashkinë Korçë, si dhe fshatrat Kovanik Bardhaj, Skënderbej, Sutaj dhe Rrajcë në bashkinë Përrenjas.

Punimet për Lotin II që mbulon rajonin verior  të Shqipërisë fillojnë në nëntor të këtij. Gjashtë skema do të ndërtohen për furnizimin me ujë të 25 fshatrave të bashkisë Dibër (Dohoshisht, Cetush, Pollozhan, Rashnopoje, Tomin), bashkisë Klos (Skënderaj, Kurdari, Suç, Kujtim), bashkisë Tropojë (Tropojë-Fshat, Kuçanë, Kasaj, Viçidol, Mejdan, Kojel Shpat, Fushë, Shumicë, Babinë, Rrogam, Cernicë, Dunishë, Bukovë, Llugaj), bashkisë Lezhë (Kallmet i Madh dhe Kallmet i vogël) dhe bashkisë Mat (German, Midhë, Kodër Qerre).

Në janar të vitit të ardhshëm fillon puna për Lotin 3. Pesë skema të reja do të ndërtohen në 12 fshatra në rajonin jugperëndimor të Shqipërisë. Në këtë lot përfshihen 4 skema për furnizimin me ujë të fshatrave Dukat, Tragjas, Jonufër, Radhimë në bashkinë Vlorë, fshatrat Kuç, Pilur, Kudhës, Qeparo në bashkinë Himarë, fshati Çiflik në bashkinë Lushnje dhe fshatrat Pashalli dhe Guri i Bardhë në Bashkinë Ura Vajgurore.

Në janar të vitit të ardhshëm fillon puna gjithashtu për Lotin 4, ku përfshihen katër skema për furnizimin me ujë të fshatrave: Vilëz, Zall ? Bastar, Zall ? Dajt, Shëngjin i Vogël, Besh në Bashkinë Tiranë, zona e Shkëmbit të Kavajës, si dhe fshatrat Arapaj, Xhafzotaj, Jubë, Erzen, Qarret, Katund i Ri, Fllakë, Sektor Rinia, Manëz në Bashkinë Durrës.

Programi ?Furnizimi me Ujë i Zonave Rurale III? vjen në vazhdën e programeve paraardhëse FUZR I&II në kuadrin e të cilave që prej vitit 2008 janë ndërtuar 53 skema ujësjellësish për 40,000 banorë. Viti 2020 do të shënojë përfundimin e Programit të Ujësjellësve Ruralë III? thuhet në njoftimin e Fondit Shqiptar të Zhvillimit./ Monitor





Lajmet e fundit nga