web counter
LEXO PA REKLAMA!

SHKARKO APP

App Store
Google Play

Takimi i përfaqësuesve të partive politike/ Ja kërkesat e tyre për zgjedhjet e ardhshme

10 Shtator 2018, 20:28, Aktualitet CNA

Përfaqësuesit e partive politike, të cilët kërkojnë zgjedhje të lira dhe të ndershme, u mblodhën ditën e sotme në një tryezë në Tiranë.

Gjatë takimit u diskutuan shkaqet pse Shqipëria nuk ka arritur akoma të hedhë hapat e duhur drejt demokracisë.

Tryeza e partive politike doli në konkluzionin se dy partitë e mëdha, PD dhe PS, mbajnë peng zgjedhjet dhe pas 25 vitesh nën monistorim, ato vidhen dhe tjetërsohen nga komisionerët e partive dhe kriminelët e lidhur me to.

Më tej ata kanë parashtruar disa kërkesa për të bërë të mundur garantimin e zgjedhjeve të lira dhe të ndershme.

Disa nga kërkesat e përfaqësuesve të partive politike ishin

1) Reforma zgjedhore të udhëhiqet nga OSBE-ja dhe zgjedhjet duhet të zhvillohen sipas kodit të ri.

2) Heqja dorë e PD dhe PS nga administrimi i zgjedhjeve. Këto të fundit sipas përfaqësuesve politike, duhet të drejtohen nga një administratë e pavarur dhe jopartiake.

3) Futja e teknologjisë në votime

4) Reformë zgjedhore transparente, ku të përfshihen edhe partitë e vogla

5) Zhdukja e parave të krimit dhe liria e përfaqësimit të qytetarëve

6) Të garantohet e drejta e emigrantëve për pjesëmarrje në zgjedhje

Në takim u krijua edhe një përfaqësi, e cila do të marrë pjesë në takimet me institucionet politike në vend dhe ato të huaja. /CNA.al





Lajmet e fundit nga