web counter
LEXO PA REKLAMA!

SHKARKO APP

App Store
Google Play

Ariana Grande thyen heshtjen: Reagon për herë të parë për vdekjen e ish-të dashurit

9 Shtator 2018, 09:10, Lifestyle CNA

Mac Miller u gjet i pajetë në shtëpinë e tij mbrëmjen e së premtes, pas një ataku kardiak të shkaktuar nga një mbidozë droge. Menjëherë sapo mësuan lajmin fatkeq, fansat vërshuan në profilin e Ariana Grande-s në ?Instagram? duke e fajësuar për vdekjen e tij dhe kjo e fundit u detyrua të mbyllte komentet.

Një ditë pas fatkeqësisë, Ariana Grande theu heshtjen dhe zgjodhi që në vend të fjalëve, të fliste përmes një foto bardhë e zi të 26-vjeçarit. Fotoja duket se është realizuar nga vetë këngëtarja, teksa Mac Miller shfaqet i ulur në bar duke parë lart tek ajo.

Burime pranë këngëtares janë shprehur se Grande është e shokuar dhe me zemër të thyer për ndarjen nga jeta të  ish-të dashurit të saj.

Në shtator të 2016-s, Grande konfirmoi lidhjen e saj me Miller në mediat sociale, por para kësaj ata ishin dy miq të mirë. Ata u njohën gjatë bashkëpunimit të këngës ?My Favorite Part?, pjesë e albumit të katërt ?The Divine Feminine të reperit Mac Miller.

Grande dhe Miller qëndruan të lidhur për rreth 2 vite, para se të ndaheshin në pranverën e këtij viti. Pak pas ndarjes ai përplasi një makinë dhe u arrestua për drejtim të automjetit në gjendje të dehur, gjë për të cilën fansat akuzuan sërish këngëtaren.

 





Lajmet e fundit nga