E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Skandal, pezulloi hetimet për dhunën ndaj gazetarit/ Kush është prokurori Artan Lulaj?

31 Gusht 2018, 13:46, Aktualitet CNA

Mëngjesin e tetë marsit 2017 rreth orës 10.40 minuta në zonën e bulevardin ?Zogu i Parë?, gazetari, njëherësh editori i CNA.al, Elvi Fundo është dhunuar barbarisht nga dy persona.

Kur kanë kaluar 18 muaj, ende nuk ka një të ndalur për këtë akt makabër nga organet e drejtësisë. Për me tepër, Prokuroria e Tiranës, që është marrë me këtë rast, ka pezulluar hetimet. Skandali është firmosur nga prokurori Artan Lulaj.

?Prokuroria e Tiranës ka pezulluar hetimet për procedimin penal numër 2089 të vitit 2017, për moszbulim të autorit të veprës penale?, thuhet në vendimin e firmosur nga Lulaj.

Prokurori që ka pezulluar hetimet, për dhunën barbare ndaj gazetarit, nuk është një emër i padëgjuar.

Ndaj Artan Lulajt, rëndojnë akuza për korrupsion dhe shkelje të ligjit edhe për raste të tjera.

Kujtojmë se më herët, familjarët e një të arrestuari e kanë akuzuar prokurorin Artan Lulaj se nëpërmjet sekserëve iu ka bërë një ofertë ekonomike me qëllim lirimin e të dënuarit.

Familjarët e shtetasit Mario Meshini e kanë akuzuar prokurorin Artan Lulaj, se iu ka kërkuar para.

Ka qenë Arian Çavo që e ka bërë publike ofertën skandaloze të prokurorit.

?Në zyrat e shtetit funksionojnë tentakula ose njerëz që në momente të caktuara të afrohen, të japin oferta. Besoj se zgjidhja gjendet më shpejt me anë të ofertës se sa me anë të punës zyrtare që duhet të bëjë një prokuror apo një nëpunës i kujdo zyre të këtij shteti. Edhe ne kemi pasur oferta të ndryshme, por duke ditur pafajësinë e djalit, nuk kam pse t?i ofroj askujt asgjë. Oferta ekonomike për lirimin e djalit?, ka thënë Arian Çavo, duke iu referuar prokurorit Artan Lulaj.

Nuk është ky i vetmi rast, ku ndaj prokurorit Lulaj drejtohen akuza.

Kujtojmë se babai i Marvi Mihalit, të riut që u vra me thikë një vit më parë, pas një sherri për një karikues, ka bërë kallëzim për korrupsion në Prokurorinë e Krimeve të Rënda.

Shkak për kallëzimin u bë lirimi i tre prej katër të arrestuarve për vrasjen e Marvi Mihalit, ku sipas babait të viktimës, prokurori Artan Lulaj i ndryshoi akuzat, nga vrasje në bashkëpunim, në moskallëzim krimi.
Siç duket prokurori Lulaj ia ka marrë dorën me shkeljen e ligjit dhe kështu ka vepruar dhe në rastin e dhunës barbare të ushtruar ndaj gazetarit Elvi Fundo./CNA.al