web counter
LEXO PA REKLAMA!

SHKARKO APP

App Store
Google Play

E fundit!

x

Ermal Meta ngre zërin për emigrantët dhe i hap “luftë” Matteo Salvini-t: “Ata duan vetëm të jetojnë!”

25 Gusht 2018, 10:10, Lifestyle CNA

Ermal Meta braktisi Shqipërinë dhe u nis drejt vendit fqinj për një jetë më të mirë. Së bashku me të ëmën, motrën dhe të vëllain, ai mbërriti në Bari në vitin 1994, pa e ditur fatin që e priste.

Dhe 24 vite më pas, Ermali është ndër kantautorët dhe këngëtarët më të mirë në Itali, i cili arriti të rrëmbente fitoren në Festivalin e Sanremos, falë talentit dhe punës së palodhur.

Pikërisht për këtë arsye, ai kundërshton të gjitha politikat anti-emigrantë që janë vendosur në vendin ku jeton. Në një intervistë për ?Donna Moderna?, kantautori shqiptar tregon se është kundër vendimit të ministrit të brendshëm italian, Matteo Salvini, për t?i kthyer shpinën refugjatëve që vijnë nga Libia.

 

?Nëse do të kishte ndodhur 24 vjet më parë kjo që po ndodh tani, nuk do të isha këtu, duke bërë muzikë.. Dhe si unë, edhe shumë të tjerë. Para kufijve ekzistojnë njerëzit dhe i duhet dhënë një mundësi jetës. Ndihem keq me këtë që po ndodh. Sot, një pjesë e botës vuan dhe kërkon të shpëtojë pikërisht ekzistencën, të mos vdesë. Shumë vite më parë, kjo pjesë e botës më takonte, sepse unë isha pjesë e saj. Dhe duket se nuk duan t?i gjenë një zgjidhje këtij problemi. Më kall datën kjo situatë.? ? u shpreh Ermal Meta.

Nuk është hera e parë që mes Ermalit dhe Ministrit të Brendshëm, ka përplasje. Matteo Salvini,  ishte ndër kritikët më të mëdhenj të Metës gjatë Sanremos. Sipas tij, Italia nuk duhej të përfaqësohej në Eurovision me një këngë që flet për emigrantët.

?Fitoi dyshja e antiterrorizmit Meta e Moro, por kishte edhe një tufë këngësh që flisnin për emigrantët që arratisen, që vijnë, që shpëtojnë,? tha në muajin shkurt sekretari i Legës, Salvini.





Lajmet e fundit nga