web counter
LEXO PA REKLAMA!

SHKARKO APP

App Store
Google Play

E fundit!

x

“Shpërthen” Nard Ndoka/ Kërcënon hapur Ramën

21 Gusht 2018, 16:31, Aktualitet CNA

Kreu i Partisë Demokristiane, Nard Ndoka, ka sulmuar kreun e Qevrisë Edi Rama, për të cilin thotë se ka ndërtuar një shtet dordolecësh.

Në një postim në rrjetet sociale, ai është shprehur, se në teori Rama ka ndërtuar një shtet ligjor, por në praktikë ka vendosur në krye një dordolec për të frikësuar të tjerët.

Ndoka ka thënë më terj se në çdo ligj apo udhëzim, Rama vendos dordolecin si standard.

Kreu i demokristianëve shprehet më tej se Edi Ramës i ka mbaruar koha dhe duhet të largohet që në gusht, pasi në shtator do të fryjë e fortë dhe dordoleci do të shkulet.

Postimi i plotë

Dordoleci vihet kryesish në kopshte e ara të mbjella për të trembur shpendët.

Edi Rama ka ndërtuar një shtet ?ligjor? dordolecash, në qënder ka vendosur vetën për të trembur të tjerët; drejtuesit e institucioneve, n?pun?sit, qytetarët dhe këdo tjetër.

Promovon në teori shtetin ligjor; me ligje, vendime e udhëzime, por në praktikë; vendos një dordolec në krye për të frikësuar të tjerët dhe asgjë më shumë.

Burg për ato që abuzojnë me energjinë elektrike; vendos ?dordolecin?, si standard. Burgos qytetarë, i detyron të vetvritën dhe i varfëron pafund; por dordolecin nuk e kanë frikë oligarkët që vjedhin energjinë elektrike, haptazi dhe me bekimin e dordolecëve.

Burg për ato që ndërtojnë pa leje; dordoleci përseri mbi kokat e qytetarve, por oligarkët shembin shtëpi dhe ndërtojnë kulla, presin pemë dhe ndërtojnë pa leje, zgjerohen duke shkatërruar përreth, dordoleci ul kokën përpara tyre, apo bashkëpunon me to.

Dordoleci i varur në çdo plazh për qytetarët; por oligarkët gllabëruan hapësirat publike. Humbën jetë njerzish në det, se mbi kullat e shpëtimit kishte dordolecë; jo ruajtës jete, si ligji e parashikon.

E prapë dordoleci kryeminister, flet për shtet ligjor!

Deshtove Edi Rama; premtove shtet ligjor, por ndërtove shtet dordolecash!

Largohu sëbashku me vapën në gusht, se në shtator do fryjë erë e fortë për ty e dordolecat që ti kujton, se do të trembësh të tjerët.

Koha jote mbaroj, kuptoje kaqëgjë, se pastaj ti e din; dordoleci shkulet krejt lehtë! /CNA.al





Lajmet e fundit nga