E fundit!

11:39 Aktualitet

Rama ka ndërhyrë për Ballukun?/ Braho-opozitës: Paraqitini provat në SPAK

Deputetja Elda Hoti në Komisionin për Nismat Qytetare ka d...

Pikante si Tabasco/Njihuni me vetitë e mrekullueshme në shëndet të salcës djegëse

21 Gusht 2018, 12:38, Aktualitet CNA

Tabasco është marka e një salce pikante dhe duhet thënë, e një ndër më të njohurave në botë. Salca përbëhet nga specat Tabasco, uthull dhe kripë. Rezultati? Një salcë me një shije ?të guximshme? ku gjen përdorim në një shumëllojshmëri pjatash dhe ushqimesh.

Për shembull, e dinit që një lugë çaji me salcë Tabasco përmban zero kalori dhe zero gram yndyrë?

Vërtet salca nuk na furnizon me lëndë ushqyese esenciale, siç janë proteinat, fibra, vitamina C, kalcium ose hekur, por mungesa e kalorive ose e yndyrës do të thotë se mund të ketë një vend të vlefshëm në planin tuaj të shëndetshëm të të ngrënit.

Një ?pengesë? për të ngrënë salcë Tabasco është sasia e natriumit që përmban. Një lugë çaji me salcë origjinale Tabasco përmban 35 miligram natrium, rreth 2 për qind të limitit të përditshëm prej 1500 miligram të natriumit të rekomanduar nga Shoqata Amerikane e Zemrës.

Pse duhet ta shtoni salcën Tabasco në dietën tuaj

Zëvendësoni salcat që përdorni zakonisht me salcën Tabasco për të reduktuar kaloritë dhe yndyrnat. Një studim i botuar në Journal of Nutrition zbuloi se kjo salcë mund të ndihmojë në uljen e ghrelin, një hormon i cili nxit urinë. Me kaloritë e papërfillshme, Tabasco ofron një alternativë të shijshme dhe më të shëndetshme që do të rrisë aromën e pjatave tuaja!

Disa studime kanë treguar se kapsaicina, përbërja që gjendet tek specat djegës krijon nxehtësi të mjaftueshme për të rritur temperaturën e trupit, gjë që ju ndihmon të digjni më shumë kalori.

Si mund ta përdorni konkretisht salcën Tabasco

Mund ta përdorni në vend të salcës së kosit ose lëngut të mishit. Shija e fortë nuk do të thotë që do ti hidhni shumë salcë. Kjo do të kufizojë edhe konsumimin përtej limitit të natriumit.

Pyetja kryesore këtu është: A është e mirë për ju? A ofron ndonjë përfitim dhe nëse po, cilat janë ato?

Tabasco origjinale nuk përmban karbohidrate, gjë që e bën të dobishme nëse po përpiqeni të ulni marrjen tuaj të karbohidrateve. Dietat e ulëta të karbohidrateve konsiderohen të barabarta ose më efektive kur krahasohen me dietat me yndyrë të ulët për reduktimin e peshës. Ai gjithashtu është i dobishëm për parandalimin e diabetit pasi karbohidratet stimulojnë lirimin e insulinës më shumë se ushqimet e tjera.

Vitamina

Sipas faqes së internetit të Tabascos dhe burimeve të tjera të informacionit, një lugë çaji me salcë të kuqe origjinale Tabasco nuk ofron asnjë vitaminë. Kjo e bën të ngjashme me salcat e tjera pikante si Cholula, të cilat gjithashtu nuk ofrojnë lëndë ushqyese. Nga ana tjetër, salca jeshile e Tabascos siguron 3,5 mg vitaminë C, e cila është rreth 6 për qind e kërkesës suaj të përditshme.

Mineralet

Tabasco nuk është një burim i mirë i mineraleve. Ai siguron 0 gram për 1 lugë çaji. Duhet thënë se asnjë nga salcat Tabasco nuk janë një burim i rëndësishëm i mineraleve. Kjo mungesë e përmbajtjes së mineraleve është e zakonshme në mesin e salcave pikante, prandaj nuk ka asgjë për tu habitur!

Gjithashtu mund të zgjidhni mes 8 varieteteve të tyre sipas shijes tuaj…