web counter
LEXO PA REKLAMA!

SHKARKO APP

App Store
Google Play

E fundit!

x

Ditë e keqe për Ramën/ Deputeti i liston premtimet e pambajtura

15 Gusht 2018, 14:54, Aktualitet CNA

Deputeti i Partisë Demokratike, Agron Shehaj ka reaguar me anë të një postimi në profilin e tij në rrjetet sociale, në lidhje me çmimin e biletave të avionit, por edhe premtime të tjera që qeveria “Rama 2”, nuk i ka përmbushur.

Në këtë postim Shehaj i referohet edhe aeroportit që pritet të ndërtohet në qytetin e Vlorës, por duke dhënë një alternativë tjetër nga ajo e qeverisë.

Deputeti ka përmendur në postimin e tij edhe bypassin e Fierit, të cilin qeveria e Ramës, nuk e ka përfunduar akoma.

?Do ndërtojmë aeroportin e Vlorës me fonde publike, me garë dhe me çmimin më të ulët të mundshëm, maksimumi 30 milionë euro,  pa koncesion dhe të sjellim në Shqipëri Ryanair ose Easyjet?, – ka shkruar Shehaj.

Postimi i plotë i deputetit të Partisë Demokratike, Agron Shehaj:

38,7 euro është çmimi mesatar që kanë paguar pasagjerët të cilët kanë udhëtuar me Ryanair ? në 2017.

Ëndrra e shqiptarëve është të udhëtojnë me këto çmime dhe vetëm kompanitë ajrore low cost mundësojnë çmime të tilla.

Po çfarë ka vendosur Rama?!

170 milione , aeroport + kompani ajrore ?, ne dore te sinan idrizit me shokë

Nëpërmjet “prestanome” si Sinan Idrizit dhe ortakëve të e tij, Rama do të ndërtoj një aeroport me koncesion prej 100 milionë eurosh dhe një kompani ajrore ( 70 milionë euro do jetë vetëm investimi fillestar) e cila do jetë një “gropë” financiare per buxhetin e shtetit nder vite.

Alternativa jone?!

30 milione, aeroport i shtetit, bileta me 38,7 euro me ryanair ose easyjet.

Do ndërtojmë aeroportin e Vlorës me fonde publike, me garë dhe me çmimin më të ulët të mundshëm (maksimumi 30 milionë euro) pa koncesion dhe të sjellim në Shqipëri Ryanair ose Easyjet.

Kjo bëhet dhe do rrisë turizmin në Shqipëri. Përtej propagandës së Ramës, shumicën e investimeve në Shqipëri i ka bërë PD-ja, ashtu siç hoqi vizat, futi vendin në NATO e solli investime të huaja si TAP-i.

Rama nuk përfundoi dot as bypassin e Fierit, as atë të Vlorës, as rrugën e Elbasanin. Është në mandatin e dytë dhe për çdo dështim i hedh fajin PD-së.

Alternativa jonë është ekonomikisht më e mira dhe do ndalë dallaverexhinjtë, oligarkët dhe aferat korruptive./ CNA.al





Lajmet e fundit nga