web counter
LEXO PA REKLAMA!

SHKARKO APP

App Store
Google Play

E fundit!

x

Vjeshta rikthen tensionet Rama-Meta/ Zbardhet plani i Presidentit për kapjen e institucioneve

12 Gusht 2018, 06:35, Aktualitet CNA

Kthimi për rishqyrtim i dy ligjeve nga presidenti Ilir Meta solli përplasje të forta mes tyre, por vjeshta do të jetë akoma dhe më e ashpër. Shtatori ka dy çështje të bujshme, marrëveshjen e detit dhe kreun e KLSH. Sa i takon çështjes së kufirit ujor, Meta ka dhënë sinjale se nuk do e zhbllokojë, por pritet që të ndërhyjnë ndërkombëtarët dhe të zgjidhin situatën. Çështja e KLSH pritet të shkaktojë akoma dhe më shumë përplasje mes Ramës dhe Metës.

Bujar Leskajt i mbaron mandati i tij 7 vjeçar në krye të këtij institucioni dhe sipas përcaktimeve në Kushtetutë dhe ligj, emrin e ri e propozon Presidenti dhe më pas është Kuvendi që bën votimin e tij. Tani do jetë Rama që do e ketë nën kontroll situatën, pasi teksa Meta i ktheu ligjet, mazhoranca ka në dorë ta refuzojë për kreun e KLSH. E vetmja mënyrë që të kemi një drejtues të ri të KLSH, është përmes konsensusit.

Gazeta ?SOT? ka mësuar se kreu i shtetit ka nisur tentativat që të hyjë në negociata me qeverinë për të marrë ai drejtimin e KLSH. Ky institucion është shumë i rëndësishëm, pasi ai dërgon pas hekurave të gjithë emrat e korruptuar. KLSH ka kallëzuar penalisht mbi 700 zyrtarë kohët e fundit dhe Meta po teton të sigurojë kontrollin e këtij institucioni, me qëllim që të nisë sulmet ndaj qeverisë.

Arsyeja që Meta po mban peng dhe kreun e SHISH është pikërisht lufta për kapjen e institucioneve. Po bëhet gati një vit nga kërkesa e Ramës për të dekretuar Helidon Bendon si pasardhës të Visho Likës dhe presidenti nuk ka bërë asnjë lëvizje. Arsyeja është se Meta kërkon pazar që njëri prej tyre të jetë i emëruari i tij. Nëse Meta merr SHISH, qeveria ka frikën e përgjimeve, kjo pasi nuk është hera e parë kur ky institucion është përdorur për përgjim të kundërshtarëve. Sa i takon KLSH është një institucion shumë i rëndësishëm që kontrollon performancën e institucioneve shtetërore dhe ai mund të përdoret për goditje të zyrtarëve të caktuar. Për këtë arsye vjeshta do të sjellë një betejë të ashpër mes Ramës dhe Metës, e cila nuk dihet e si do të përfundojë. Deri më tani kryeministri ka shmangur kritikat për presidentin, ndërsa ky i fundit nuk ka kursyer thumbimet. Madje në disa raste është rreshtuar dhe krah opozitës.

 





Lajmet e fundit nga