web counter
LEXO PA REKLAMA!

SHKARKO APP

App Store
Google Play

E fundit!

x

Lëshon “bombën” dhe fsheh dorën/ Ulsi Manja hesht për skandalet Vettingut

31 Korrik 2018, 10:00, Aktualitet CNA

Kreu i Komisionit të Ligjeve, Ulsi Manja disa ditë më parë është kontaktuar nga CNA.al, duke i kërkuar një prononcim të shkurtër në lidhje me procesin e Vettingut të gjyqtarëve dhe prokurorëve.

Por, deputeti socialist, Ulsi Manja ka zgjedhur të mos iu përgjigjet gazetarëve.

Në përgjigjen e tij, Ulsi Manja shprehet ?Kam folur aq shumë për proçesin e Vettingut sa do ishte bërë një libër, kështu që kam vendosur të bëj pushim deri në shtator?.

Ndërkohë CNA.al insistoi edhe më tej, duke i dërguar pyetjet, por ai e la në heshtje.

Ajo që nuk kuptojmë është pse Ulsi Manja ka frikë të flasë për Vettingun.

Është e kuptueshme që Gushtin politika e bën pushim, se nuk kanë faj, lodhen shumë gjatë vitit, dhe të japësh një prononcim për gazetarët është punë e ?lodhshme? shumë, por fakti është se jemi ende në korrik. Gushti nuk ka ardhur ende.

Deputeti në fjalë është kontaktuar nga CNA.al që prej pasdites së ditës së shtunë dhe ende nuk kemi marrë asnjë përgjigje.

Ne ishim të interesuar për të marrë disa sqarime në lidhje me zërat se Vettingu po punon me dy standarte. Po ashtu ne i kërkuam Ulsi Manjës që me përvojën e tij si jurist, të na japë disa detaje në lidhje me atë çfarë do të ndodhë më tej me gjyqtarët dhe prokurorët të cilët nuk justifikojnë pasurinë. Por, ai që ka ngritur zërin për këtë proçes hesht.

Ne u treguam mirëkuptues, për shkak të fundjavës, por sot është e martë dhe ende nuk na ka ardhur asnjë përgjigje nga deputeti Manja./ CNA.al





Lajmet e fundit nga