web counter
LEXO PA REKLAMA!

SHKARKO APP

App Store
Google Play

Vendimi për ligjin për Teatrin/ Ish-ministri i Ramës në krah të Metës

27 Korrik 2018, 14:06, Aktualitet CNA

Pas vendimit të Metës për të kthyer për rishqyrtim në Kuvend të ligjit që i hap rrugë shembjes së Teatrit Kombëtar, ka reaguar ish-ministri i Drejtësisë në qeverinë ?Rama 1?, Ylli Manjani.

Në një postim në faqen e tij në rrjetet sociale, Manjani shkruan ?Uroj që deputetët të vendosin arësyen mbi emocionin politik dhe ta lexojnë siç duhet mesazhin e Presidentit të Republikës?.

Me tej, Manjani thekson se ?Helmin që deputetën dhe drejtuesit e institucioneve politike në vend kanë me njëri-tjetrin le ta shprehin, por në këtë rast vlen vetëm ARSYEJA dhe ARGUMENTI në kushte tepër të veçanta ku gjendet shteti.?

Deklarata e plotë:

Uroj që deputetët të vendosin arësyen mbi emocionin politik dhe ta lexojnë siç duhet mesazhin e Presidentit të Republikës, me rastin e kthimit të të ashtuquajturin ligji për Teatrin Kombëtar!

Vetëm me arësye të ftohtë mund të tejkalohet kjo situatë shumë delikate, e vështirë sa më ska!

Nuk vlen asgjë çelja e debatit me deklarata koti, që jemi mësuar të dëgjojmë.

Helmin që deputetën dhe drejtuesit e institucioneve politike në vend kanë me njëri-tjetrin le ta shprehin, por në këtë rast vlen vetëm ARSYEJA dhe ARGUMENTI në kushte tepër të veçanta ku gjendet shteti.

Mbi të gjitha, fakti që nuk ka një gjykatë që ta vlerësojë kushtetutshmërinë e atij ligji, është arësye e mjaftueshme për t?u tërhequr nga kjo nismë.

Janë shumë njerëz që kanë të drejtën e ligjit dhe të zotit të ankohen ndaj qeverisë, por nuk kanë se ku.

Nuk mund të mohohet në asnjë rrethanë e drejta për t?u ankuar e gjykuar nga një gjykatë kompetente!

Të gjitha konventat kuadër e parashikojnë këtë detyrim të çdo shteti, pavarësisht formës apo llojit të rregjimit politik.

Ndaj uroj të triumfojë llogjika, në këto momente të vështira, të pa jetuara më parë në historinë e shtetit tonë modest!

Le të shpresojmë!/ CNA.al





Lajmet e fundit nga