Meta rrëzon shembjen e Teatrit/ Plas “sherri” me Veliajn

27 Korrik 2018, 14:33, Aktualitet CNA

Kryebashkiaku i Tiranës, Erion Veliaj ka reaguar pas vendimit të presidentit Meta për të kthyer në Kuvend ligjin për Teatrin Kombëtar.

Në një postim në faqen e tij në rrjetet sociale, Erion Veliaj e cilëson vendimin e Metës si një zhgënjim.

Ndërsa më tej, Veliaj thekson se ?Mendoja se e kishim tejkaluar kohën e sabotimeve të qytetit dhe se ishte krijuar pjekuria për të dalë mbi partitë e mbi familjet politike në vend.?.

Sipas Veliajt, ky është një ?Skenar i qepur keq në parapritje të refuzimit të ligjit, që fyen inteligjencën e kujtdo që i thotë vetes qytetar. Por, vendimi i sotëm solli një dobi sepse ndau qartazi palët në Tiranë.?.

Kujtojmë këtu se disa ditë më parë në media u fol se Veliaj po përpiqej ti mbushte mendjen Metës që të miratonte ligjin në fjalë. Madje në një dalje për mediat, Veliaj tha se ??Unë shpresoj tek presidenti si institucion dhe si person, dashuria dhe qetësia do të triumfojë. Kemi nevojë për teater të ri jo për muze??. Por mesa duket Veliaj qenka zhgënjyer, dhe Meta nuk është bërë pjesë e pazareve të tij politike.

Postimi i plotë i Veliajt:

Kthimi nga Presidenti i Ligjit që do t?i jepte Tiranës tonë një Teatër të Ri, modern, i projektuar nga një prej arkitektëve më në zë të gjeneratës sonë, ishte një zhgënjim!

Jo sepse Presidentët, në të kaluarën, nuk janë bërë palë me partitë politike për të kundërshtuar projekte si ai i Këndit të Lodrave te Liqeni, por sepse mendova se pas 3 vitesh progres në qytetin tonë, me një Shesh të Ri, një Bulevard të Ri, një Pazar të Ri e një Unazë të Re, e kishim tejkaluar kohën e sabotimeve të qytetit dhe se ishte krijuar pjekuria për të dalë mbi partitë e mbi familjet politike në vend.

Teatri i sotëm në kryeqytet, me kryetarë bashkish nga Kamza e Shkodra, që kanë probleme serioze me funksionimin qyteteve të tyre, mund të na ishte kursyer.

I ngjan protestuesve të importuar nga ish presidenti për Këndin e Lodrave. Të gjithë e dimë si përfundoi ajo betejë: Presidenti u diskreditua në histori si një noter partiak. Kurse, ultimatumi prej kalamani të SHQUP-it nga ish gjumashi i bashkisë së Tiranës, nuk do kalonte dot as një audicion për teatër kukullash.

Skenar i qepur keq në parapritje të refuzimit të ligjit, që fyen inteligjencën e kujtdo që i thotë vetes qytetar. Por, vendimi i sotëm solli një dobi sepse ndau qartazi palët në Tiranë.

Ata që shkatërruan Zogun e Zi apo Sheshin Skënderbej para një dekade, janë po ata sot. Të gjithë bashkë kundër zhvillimit. Lajmi i mirë është se, pala tjetër ? shumica e arsyeshme ? është sot më kompakte dhe më e bashkuar se kurrë.

Aktorë, regjisorë, qytetarë e progresistë kanë parë se veç me punë, pasion e përkushtim ne mund ta ndryshojmë Shqipërinë e ta kthejmë Tiranën në stolinë moderne të kombit tonë. Teksa pritëm 40 vjet për një Teatër të ri, do presim edhe 40 ditë që Parlamenti ta rivotojë në shtator e t?i hapë rrugë projektit modern ? në tokën e vet e me teknologjinë më të fundit.

E mira, e bukura dhe e drejta, herët a vonë, triumfojnë; është vetëm çështje kohe! Koha humbur është e vetmja dhimbje që kemi në këtë banalitet politik sepse për ne çdo minutë vlen shumë, ndërsa për ata që kanë vrarë dekada të tëra kohë shqiptare, koha është vetëm një mjet për të na penguar.

Sidoqoftë, ne nuk do t?i humbasim këto dyzetë ditë, por do bashkëpunojmë me komunitetin teatror që të jemi gati sapo të kalojë ligji. Shumë faleminderit të gjithë përfaqësuesve të denjë të atij komuniteti, për peticionin dërguar Presidentit dhe të gjitha autoriteteve e partive parlamentare.

Teatri i Ri Kombëtar tanimë ka nisur të marrë jetë dhe së bashku ne do ta ndërtojmë për nderin e një kombi të tërë. Për kënaqësinë e një populli të tërë. Për dinjitetin e një komuniteti të tërë. Për Shqipërinë dhe Tiranën që duam! FORCA! #BASHKE

?Me qetësi dhe dashuri?/ Veliaj tallet keq me Metën