web counter
LEXO PA REKLAMA!

SHKARKO APP

App Store
Google Play

E fundit!

x

Ngec në “rrjetë”/ Vettingu shkarkon krahun e djathtë të Adriatik Llallës

25 Korrik 2018, 07:40, Aktualitet CNA

Komisioni i Pavarur i Kualifikimit ka vendosur sot shkarkimin nga detyra të Prokurores Rovena Gashi.

Rovena Gashi, nuk ka qenë e pranishme përpara trupës së KPK-së as në seancën dëgjimore, dhe as në seancën e sotme, kur u dha vendimi.

Trupi gjykues shqyrtoi dhe zhvilloi procedurë të thellë hetimi, në mungesë të Rovena Gashit apo përfqësuesit të saj, duke e konsideruar sot të përfunduar seancën dëgjimore

Anëtarët e KPK Genta Tafa, Pamela Qirko dhe Lulzim Hamitaj vendosën shkarkimin e prokurores nga detyra. Gashi,  e pezulluar nga detyra për shkak se është nën hetim për fshehje pasurie, nuk ishte e pranishme sot ne seancë

Më parë Gashi ka thënë se një vendim të tillë KPK e ka marrë 8 muaj më parë. Megjithatë mungesa e prokurores nuk e ndali vazhdimin e seancës.

Sipas raportit të ILDKP, Rovena Gashi nuk justifikon pasurinë, nuk ka burime të ligjshme si dhe ka bërë deklarim të pasaktë. KPK ka ngritur dyshime për 16 apartamente në Durrës të cilat dyshohet se i përkasin Nuredin Gashit, babait të Rovena Gashit, të paktën sipas faturave të OSHEE, ndërsa prokurorja pretendon se babai i saj është administrator i pallatit.

Në kohën kur në krye të organit qendror të akuzës qëndronte ish-kryeprokurori Adriatik Llalla, Rovena Gashi ka mbajtur detyrën e e drejtoreshës së marrëdhënieve me jashtë dhe ka drejtuar edhe strukturën e dekriminalizimit.

Rovena Gashi, krahu i djathtë i Adriatik Llallës, ishte ndër lëvizjet e para që bëri Arta Marku, pas marrjes së detyrës së Kryeprokurores së Përkohshme./ CNA.al





Lajmet e fundit nga