E fundit!

11:35 Aktualitet

U dërgua në burg bashkë me foshnjën 11-muajshe/ Gjykata merr vendimin për 34-vjeçaren

Gjykata e Tiranës ka urdhëruar lirimin nga burgu i Pojskës...

Tabaku/ Qeveria e Ramës armiqësoi Shqipërinë me investitorët amerikanë

25 Korrik 2018, 12:12, Aktualitet CNA

Raporti i Departamentit Amerikan i Shtetit ka fshirë Shqipërinë nga lista e vendeve që sugjeron për biznesin amerikan, për vitin 2018.

Mungesa e gjykatave në vend, të cilat janë të paralizuara si pasojë e vettingut, kanë ndikuar në këtë vlerësim.

Për këtë çështje ka reaguar dhe Partia Demokratike. Deputetja Jorida Tabaku doli në një deklaratë për mediat ku shprehet se te mos jesh vend mikpritës për bizneset amerikane do të thotë se në Shqipëri ka klimë armiqësore ndaj tyre me taksa të larta, ka konkurencë të pandershme nga paratë e pista të trafikut të drogës dhe korrupsionit, ka përqendrim të ekonomisë tek një grusht oligarkësh dhe klientësh të Edi Ramës.

Vendimi i Departamentit Amerikan të Shtetit për të mos e konsideruar Shqipërinë si një vend miqësor për bizneset amerikane nuk është një rrufe në qiellin e hapur tregon Gjonaj, i nje vendi të qeverisur nga narkotrafikantët dhe oligarkët.

Opozita e ka denoncuar me forcë këtë sjellje të qeverisë, për shkak të së cilës Shtetet e Bashkuara të Amerikës, vendi më i fuqishëm ekonomik në botë, partneri ynë strategjik, renditet në vendet e fundit sa i takon investimeve të huaja në Shqipëri.’ shton me tej Tabaku./CNA.al

Deklarata e plote:

Vendimi i Departamentit Amerikan të Shtetit për të përjashtuar Shqipërinë nga lista e vendeve mikëpritëse të bizneseve amerikane është dënim për ekonominë tonë.

Të mos jesh vend mikpritës për bizneset amerikane do të thotë se në Shqipëri ka klimë armiqësore ndaj tyre me taksa të larta, ka konkurencë të pandershme nga paratë e pista të trafikut të drogës dhe korrupsionit, ka përqendrim të ekonomisë tek një grusht oligarkësh dhe klientësh të Edi Ramës.

Vendimi i Departamentit Amerikan të Shtetit për të mos e konsideruar Shqipërinë si një vend miqësor për bizneset amerikane nuk është një rrufe në qiellin e hapur të një vendi të qeverisur nga narkotrafikantët dhe oligarkët.

Kohët e fundit Dhoma Amerikane e Tregtisë ka theksuar klimën armiqësore ndaj biznesit, por në vend të reagimit për të ndryshuar situatën, kryeministri Rama ka sulmuar publikisht, Kryetarin e Dhomës Amerikane të Tregtisë.

Thuajse në të gjitha raportet, Dhoma Amerikane e Tregtisë kundërshton rritjen e taksave dhe pengimin e investimeve serioze amerikane nga burokracitë. Apo thënë ndryshe nga korrupsioni, që është edhe një nga kriteret e përdorur nga Departamenti amerikan i Shtetit për futjen e Shqipërisë në listën e zezë të vendeve jomiqsore për biznesin amerikan.

· Sot në Shqipëri nuk ka më vend për investitorë amerikanë, sepse ato i kanë zënë investitorët rusë e gjeorgjianë.

· Sot të vetmit që marrin tendera janë miqtë e kryeminsitrit.

· Sot çdo PPP jepet nga qeveria pa garë, me ofertë të pakërkuar.

· Sot ligjet bëhen me emra biznesesh.

· Sot praktikisht në ekonomi nuk ka më garë.

Sot në Shqipëri nuk ka investitorë amerikanë dhe invstitorë të tjerë të huaj, sepse askush nuk investon në një vend ku çdo pushtet e ka marrë kryeministri. Askush nuk investon në një vend ku Gjykata Kushtetuese dhe Gjykata e Lartë është asgjesuar nga kryeministri.

Zgjidhja e vetme për këtë krizë të thellë politike dhe ekonomike është çlirimi i qeverisjes, çlirimi i tregut nga oligarkia, paratë e pista të drogës, krimit të organizuar dhe korrupsionit.

Ka ardhur koha për një ndryshim rrënjësor!

Shqipëria nuk mund të jetë më vendi që punon për pasurimin e kryeministrit, disa ministrave dhe një grushti oligarkësh e bosësh të krimit të lidhur me ta.

Partia Demokratike është e vetmja forcë që mund ta kthejë ekonominë në duart e sipërmarrësve dhe tregtarëve të ndershëm, të rikthejë Shqipërinë në vendin më mikpritës për investimet amerikane dhe investimet e tjera të huaja në rajon!

Nëpërmjet ndryshimit të Ligjit Antimafia, ne do t?u kthejmë shqiptarëve çdo qindarkë dhe çdo pasuri publike, të grabitura nga qeveria e krimit dhe e korrupsionit.