web counter
LEXO PA REKLAMA!

SHKARKO APP

E fundit!

x

Tragjedia në Greqi/ Qeveria shqiptare akordon 100 mijë euro donacion

25 Korrik 2018, 11:53, Aktualitet CNA

Një shumë prej 100 mijë euro është akorduar nga qeveria shqiptare si ndihmë për Greqinë, pas katastrofës që po kalon ditët e fundit për shkak të zjarrit masiv që përfshiu një zonë periferike të Athinës.

Në vendimin e Këshillit të Ministrave thuhet se ndihma i jepet Athinës për të lehtësuar dëmet nga zjarret. Vendimi është dhënë në mbledhjen e të kabinetit qeveriatr, ndërkohë që edhe Rama ka reaguar për tragjedinë.

Kryeministri Edi Rama, në një reagim në rrjetet sociale, ka dërguar një mesazh ngushëllimi për kryeministrin grek Aleksis Tsipras. Rama ka shprehur mbështetjen e tij për popullin grek në këto orë të vështira.

Në tre ditët e fundit flakët kanë lënë pas një katastrofë, pasi mbi 80 persona zyrtarisht kanë humbur jetën, ndërsa mbi 100 të tjerë janë të zhdukur dhe 200 të plagosur. Mijëra shtëpi janë djegur dhe shkatërruar nga flakët që përpinë periferinë e Athinës prej ditës së hënë./ CNA.al





Lajmet e fundit nga