Si të shmangni të nxehtin në shtëpi nëse nuk keni kondicioner

2 Korrik 2018, 12:05, Lifestyle CNA

Ditët me shi përfunduan sot kur dielli na shoqëroi gjatë gjithë ditës dhe temperaturat në Tiranë shënuan mbi 30 gradë.

Për shumëkënd kjo periudhë është stresuese nëse nuk janë pranë plazhit pasi në qytet të duhet të lëvizësh kudo me kondicionerin me vete.

Por, përveç kostos qe kemi në shpenzimin e energjisë elektrike me përdorimin e kondicionerit kemi dhe një rritje të emetimeve të CO2. Për këtë arsye është mirë të mendojmë dhe alternativa të tjera që ruajnë mjedisin.

Kështu nëse i ndiqni udhëzimet e mëposhtme me shumë mundësi do të reduktoni të nxehtin në trupin tuaj duke ulur edhe temperaturën e dhomës ku rrini.

Ndiqni këto hapa:

1.Përpiquni t?i mbani perdet mbyllur dhe grilat e ulura gjatë gjithë ditës në mënyrë që të mos lejoni rrezet e diellit brenda.Perdet e errëta janë më efektive se ato të tejdukshme. Deri në 30% e të nxehtit vjen nga dritaret, sidomos nëse këto janë të orientuar në jug dhe perëndim.

2.Shfrytëzoni orët e natës për të freskuar shtëpinë. Lini hapur të gjitha dyert e brendshme për të freskuar dhomat gjatë natës dhe për të larguar pak të nxehtin e grumbulluar gjatë ditës. Më pas siguroni qe të keni mbyllur të gjitha dritaret dhe grilat para se dielli të dalë në mëngjes.

3.Bëni korrent .Lërini të gjitha dritaret e shtëpisë hapur për të bërë korrent. Nëse dritaret janë të vendosura në të njëjtën anë vendoseni ventilatorin më mënyrë strategjike.

4.Bëni mirë të përdorni ventilatorët. Ventilatorët ndizini sidomos në moment të veçanta të nxehtit për të freskuar ambientin.

5.Reduktoni burimet e ngrohjes. Fikini pajisjet elektrike kur nuk jeni duke i përdorur. Janë me efikase llambat fluoreshente se ato inkandeshente te cilat çlirojnë nxehtësi.

6.Përdorni pëlhura të buta dhe të lehta për shtëpinë tuaj. Mbulesat e kolltukëve, shtretërve këshillohet të jenë prej pambuku mundësisht të bardha.

7.Shmangni Avujt. Evitoni gatimin, larjen e rrobave ose dushin gjatë orëve të nxehta të ditës. Në të kundërt shtëpia juaj do të mbushet me avuj dhe do të ngrihen temperaturat. Nëse nuk keni zgjidhje tjetër mund të përdorni ventilatorët.

8.Mbani trupin tuaj të freskët dhe të hidratuar. Për të qenë sa më të freskët këshillohet konsumimi i shpeshtë i lëngjeve dhe ujit me akull. Ose të vendosni peshqirë të ftohur në qafë dhe kyçe.

9.Realizoni vetë një ventilator për të mundur të nxehtin. Vendosni akull në një tas të madh metalik dhe vendosni ventilatorin në mënyrë të tillë që të fryjë në drejtim të tasit metalik të mbushur me akull. Në këtë mënyrë ajri që qarkullon nga ventilator do të jetë i freskët.