E fundit!

14:03 Politikë

Kur do të votohen në PD Gaz Bardhi dhe Agron Gjekmarkaj?

Dje është zhvilluar mbledhja e dytë e Këshillit Kombëtar, ...

Universitetet, papërgjegjshmëri dhe shpërdorim të tarifave studentore

27 Qershor 2018, 19:04, Aktualitet CNA

Papërgjegjshmëri totale, shpërdorim total i tarifave studentore për investime luksi e zyrash, për blerje automjetesh të shtrenjta, për abonime interneti etj. shërbime që u vlejnë zyrtarëve drejtues dhe jo studentëve të cilët janë dhe tarifuesit e këtyre shumave janë vetëm një pjesë e atyre çka gjendet në raportin e publikuar sot nga dy organizatat “Qëndresa Qytetare” dhe “Task Forca Studentore”.

Ku midis analizës së gjendjes në tre universitetet publike, përkatësisht atij të Tiranës e Durrësit përfshihet edhe universiteti i Elbasanit. Ato çka lexohen në raport janë vetëm një pjesë e denoncimeve që CNA.al ka sjellë për publikun, së bashku me korrupsionin aktiv që përfshinte tregtinë me marrjen e vlerësimeve të pamerituara.

Në një shkrim ekskluziv me titull ?Skandali-?Dy lopë një diplomë? në Universitetin e Elbasanit/Sekserët e universiteteve të pangopur me para?, të publikuar me 14 tetor tetor 2017, CNA.al denoncoi korrupsionin në universitetet publike, ku: Diploma ose më saktë, provimi diplomës, shkonte 1200 deri 1500 euro …

CNA.al denoncoi dhe faktin sesi një studenti nga Prrenjasi, pedagogu i kishte kërkuar të shiste 2 lopët dhe e kishte të marrë provimin, madje me notën që do kërkonte.

Po ashtu në një tjetër denoncim të publikuar me 30 tetor 2017 CNA.al denoncoi dhënien e diplomave false në Universitetin e Elbasanit, ku vepronte një rrjet i strukturuar. Skandali në fjalë fliste për diploma fallso, me firmë e vulë Dekani dhe Rektori që jepeshin kundrejt pagesave të majme…

Më 24 nëntor 2017, në një shkrim të publikuar, CNA.al denonconte Rektorin e këtij Universiteti për rekrutime korruptive. Në shkrim theksohej se rekrutimet e pedagogëve të rinj janë bërë, duke mos zbatuar as kriteret, as rregulloret e institucionit, madje as mesatarja e vendosur si kriter nga Ministria e Arsimit… Denoncimet e bëra nga CNA.al në adresë të këtij Universiteti janë të shumta dhe pa dashur ti përmendim të gjitha, po theksojmë se si rezultat i denoncimeve u arrit të viheshin nën prangat e policisë Dekani i Fakultetit të Shkencave Humane, shefja e departamentit të gazetarisë, një pedagoge i këtij Universitetim së bashku me tre sekserë dhe një student. Që të gjithë të akuzuar për korrupsion.

Mirëpo a janë këto prezente vetëm tek Universiteti i Elbasanit? Nuk besojmë. Pasi edhe problematika e sjellë nga raporti i dy shoqatave është prezente, ku më shumë e ku më pak, tek të tre universitetet publike. Të cilat, ironikisht drejtohen nga borde dhe këshilla me përbërje militantizmi politik që paguhen shtrenjtë. Antarët e Bordit të Universitetit Bujqësor, p.sh, marrin 450 mije lek (te vjetra), në muaj, aq sa merr një asistent pedagog.

Keqpërdorimi i fondeve është pasojë e drejtimit arrogant të rektorëve dhe dekanëve, të cilët sundojne mbi pedagogët dhe studentët. Nuk u japin askujt llogari, pasi i kanë vendosur lidhjet e nënshtruimit drejtpërdrejt me Qeverinë!