web counter
LEXO PA REKLAMA!

SHKARKO APP

App Store
Google Play

E fundit!

x

U sulmua barbarisht me thikë nga i biri/ Trondit nga spitali 75-vjeçari

22 Qershor 2018, 13:04, Kronika CNA

Destan Neziri, 75- vjeçari që së bashku me bashkëshorten e tij u sulmuan me thikë barbarisht nga djali i tyre 28- vjeçar, thotë se do ta falë të birin për atë që bëri.

Ndërkohë që disa media raportuan se djali kishte deklaruar se shkak për sherrin është bërë fakti se prindërit e tij nuk kishin pranuar vajzën me të cilën ai kishte menduar të ndante jetën, 75-vjeçari ka deklaruar se ishte pikërisht vajza në fjalë e cila është është përpjekur të ndalte sulmin e ashpër të 28-vjeçarit.

Gjatë një prononcimi për gazetën ?Panorama?, Destani shprehet se ngjarja ndodhi shumë shpejt.

?Ishin duke parë një ndeshje futbolli dhe u bë një gol kur ndodhi ngjarja. Nuk arrita të kuptoj pse nisi të debatonte me nënën e tij. Nuk e vura re, se thashë debate të përhershme mes djalit dhe nënës. Kur papritur pashë që kishte marrë thikën dhe e qëlloi disa herë nënën e tij. Më pas tentova të ndërhyja unë për ta ndalur. Ai më sulmoi edhe mua. Ishte shumë i nxehur dhe nuk dinte çfarë po bënte, por për fatin tonë të mirë ndërhyri nusja, e fejuara e Hajriut, dhe me shumë guxim arriti ta ndalte. Ngelëm të plagosur, por për fat të mirë na solli në spital një nga komshinjtë tanë, që e falënderojmë jashtë mase?, tha Destani, i cili ndodhej i shtruar në repartin e Kirurgjisë, ndërsa shtoi se,

?Unë nuk e hedh poshtë djalin tim se ai bëri një gabim. Unë jam prind e një prind për fëmijën e ka zemrën të madhe. Kur të shërohemi, së bashku me gruan do e shikojmë djalin?.-ka thënë nga spitali Ii moshuari.

Destan dhe Hasije Neziri tashmë ndodhen jashtë rrezikut për jetën. Në gjendje pak më të rëndë ndodhet 65- vjeçarja.

Bashkëshortja e tij pritet të dalë të premten nga reanimacioni, ku gjendet që prej mesditës së të mërkurës, kur u qëllua gjashtë herë me thikë nga djali i saj. Krahas mjekëve, çifti Neziraj qëndron nën shoqërinë e fëmijëve të tjerë.





Lajmet e fundit nga