web counter
LEXO PA REKLAMA!

SHKARKO APP

App Store
Google Play

E fundit!

x

Vjollca “ecën” vetë?!

21 Qershor 2018, 09:32, Aktualitet CNA

Ka disa ditë që televizioni kombëtar Top Channel, me urdhër verbal të aksioneres në minorancë Vjollca Hoxha ka filluar një sulm frontal ndaj një gjykatësi të caktuar, pra ndaj një individi të vetëm.

Në plan të parë duket sikur në kuadër të Reformës në drejtësi, ?TOP-i? po kërkon të gjuajë fort me top korrupsionin, por në fakt duket të jetë një lojë e Vjollca Hoxhës, për shkak se gjyqtari i cili po sulmohet, nga të dhënat që ka siguruar CNA.al është pjesë e trupës që do të shqyrtojë pronësinë e aksioneve të Top Channel në Gjykatën e Lartë.

Një kalvar gjyqesh, filluar vite më parë, në shkallën e parë u fitua nga aksionerët e shumicës, Albert Sino dhe Aurel Baci, ndërkohë në gjykatën e Apelit dhe çfarë u tha në atë kohë kur u shpall vendimi, me ndërhyrje të forta politike, gjyqësore por edhe lobing nga pjesë e stafit pranë Vjollca Hoxhës, u përmbys gjithçka.

Në Gjykatën e Lartë, Vjollca Hoxha duket se tashmë e ka të vështirë të kontrollojë padrejtësisht shumicën e aksioneve, të cilat janë në fakt në pronësinë e dy ortakëve të saj, me të cilët bashkëpunoi për të paktën 10 vite ajo vetë dhe për shumë vite të tjera ish-presidenti i ndjerë i Top Medias, Dritan Hoxha.

Shkëlzen Selimi është gjykatësi i cili u sulmua së fundi. Dje gjoja me ?21 janarin?, pardje gjoja me pronësinë e kështu me radhë. Përditë gjendet një sebep që Vjollca Hoxha të sulmojë një gjykatës që nuk i nënshtrohet, ashtu sikurse sulmoi edhe ndonjë ministër të caktuar po për të njëjten arsye dhe këtë e kupton lehtësisht.

Për të kuptuar se me kë e ka mirë Vjollca Hoxha mjafton të shikojmë lajmet në Top Channel, i cili nga televizioni kombëtar i shqiptarëve është kthyer në televizion të interesave personale të Vjollca Hoxhës.

Nuk ka asnjë kritikë dhe asnjë reagim për kryebashkiakun e Tiranës Erion Veliaj, pasi Vjollca është peng i kioskave të kryeqytetit, të raportuara shpesh në media se janë në pronësi të saj apo bashkëpunëtorëve dhe servilëve të saj.

Pas sulmit të djeshëm, apo një pseudo-protesta para gjykatës, shikohet sesa poshtë ka rënë media dhe cili është niveli që po drejton televizionin kombëtar Top Channel, që në fakt prej disa kohësh ka ndezur llampën e kuqe të emergjencës për shkak të audiencës së dobët në sondazhe apo monitorimet që bëhen nga kompanitë private.

Në Top Channel prej kohësh ka rënë një hije gri, Vjollca Hoxha duket në panik, e trembur se do të humbasë gjyqin e aksioneve ushtron presion verbal ndaj gjykatësve.

Përdor edicionet e lajmeve për të sulmuar dhe nga ana tjetër dje në mënyrë qesharake ka përdorur të gjithë arsenalin e mundshëm për të protestuar kundër një gjykatësi të vetëm dhe këtë e bëri Vjollca, e cila ndoshta ka filluar të ?ecë? vetë.

Nga një vlerësim që mund t?ju bësh filmimeve të edicionit të lajmeve të orës 15:30 të ditës së djeshme në Top Channel, të atyre të orës 17:30 dhe atyre të orës 19:30, ka ndryshime të mëdha në kronikën që transmeton Top Channel.

Te kronika e parë, te edicioni i lajmeve të orës 15:30 dukej nipi i Vjollca Hoxhës që organizonte protestën dhe kjo është raportuar edhe nga disa media të tjera.

Ndërkohë ne, bëmë një investigim të mëtejshëm. Thjeshtë duke e parë videon në televizor, konstatojmë se disa nga njerëzit të cilët qëndrojnë si spektatorë në emisionin ?Top Show? apo në emisione të tjera, janë pjesë e protestës dhe pas tyre qëndrojnë nipi dhe shoferi personal i Vjollca Hoxhës.

Pra nga një vlerësim i thjeshtë rezulton se e gjithë protesta e organizuar dje kundër një gjyqtari ishte organizuar nga administratorja aktuale e ?Top Medias?, Vjollca Hoxha.

Pra, një presion krejtësisht klientelist dhe me të drejtë, Rama më pas i quan mediat kazan.

?Kazani? i Vjollcës po zien për aksionet dhe ajo i ka dhënë shumë dru zjarrit, ndoshta duke e djegur fare ?kazanin?, sidomos me protestën e turpshme të ditës së djeshme, ku me 10 apo 15 veta protestonin kundër një gjykatësi, për një kauzë ku ata nuk ishin përfshirë aspak.

Për shembull protestohej për ?21 Janarin?, kur në protestë nuk kishte asnjë socialist apo familjar dhe të afërm të personave të vrarë me 21 janar. Dhe këtë mund ta bëjë apo ta realizojë vetëm Vjollca Hoxha, e cila për interesat e saj personale, në një mënyrë totalisht qesharake e kthen televionin kombëtar Top Channel në veglën e saj të keqpërdorur duke e shkatërruar edhe më tej audiencën dhe duke e kthyer nga një media kombëtare në një kioskë personale për interesa krejtësisht klienteliste./ CNA.al

 

Blushi çon LIBRA-n në protestë të heqë Gjyqtarin

Top Channel i shpall ?luftë? gjyqtarit/ Vjollca Hoxha dërgon nipin në protestë





Lajmet e fundit nga