E fundit!

10:19 Aktualitet

PS propozon projektligjin për Turizmin: Të pezullohen ndërtimet gjatë sezonit

Kreu i grupit parlamentar i PS Taulant Balla në seancën e ...

"Skandali Xhafaj"/ Basha “vret” Babalen

21 Qershor 2018, 12:16, Aktualitet CNA

Pak kohë më parë, Partia Demokratike filloi një aksion denoncimesh të njëpasnjëshme në drejtim të ministrit të Brendshëm, Fatmir Xhafaj.

Një aksion që në fillim u duk i mirëorganizuar dhe për herë të parë pas marrjes së drejtimit nga Lulzim Basha, PD u duk e qartë në aksionin e saj.

PD solli me fakte dhe dokumente, provat që tregonin se Agron Xhafaj, vëllai i ministrit të Brendshëm, Fatmir Xhafaj, ishte dënuar në Itali për trafik ndërkombëtar droge.

Dhe për këtë arsye, Fatmir Xhafaj nuk mund të bënte vettingun në polici, në një kohë që vetë është i pari që duhej ti nënshtrohej Vettingut. Pas publikimit të këtyre dokumenteve nga PD, minimalisht Xhafaj duhej të largohej për arsye morale.

Por, Basha fiku “zjarrin” që kishte ndezur vetë në momentin që në skenë doli ?Babalja?, apo i ashtuquajturi ?Dëshmitari X?. PD publikoi një audio-përgjim, sipas të cilit pretendohej se Agron Xhafaj vijonte ende të drejtonte trafikun e lëndëve narkotike.

Në audio-përgjim shfaqej shtetasi Albert Veliu, apo i ashtuquajturi ?Babale?, i cili pretendohej se shfaqej në një bisedë me Agron Xhafaj, duke bërë pazare droge.

Por, ai që nga Basha u trumbetua fort në media si një hero që ?demaskoi? ministrin e Brendshëm, shumë shpejt u braktis nga Basha.

?Babalja? ishte kryefjala e çdo dalje mediatike të Lulzim Bashës, ndërsa tani është lënë në heshtje.

Kjo pasi edhe vetë Albert Veliu, i cili ndodhet në Kosovë ku ka kërkuar strehim politik, e ka pranuar se audio-përgjimi kishte qënë vetëm një inskenim.

Në media është raportuar se në Kosovë ka pasur edhe tentative për vrasjen e Albert Veliut, ndërsa nga Basha apo PD ende nuk ka pasur asnjë reagim në lidhje me këto informacione.

Nga ana tjetër, edhe sot në seancën plenare të Kuvendit, Basha nuk tha asnjë gjysëm fjale për ?Heroin? e tij, por u mundua ta kalonte në heshtje.

Edhe pse disa herë u provokua nga kreu i grupit parlamentar të PS, Taulant Balla se pse nuk e përmend ende Babalen, kreu i PD, Lulzim Basha e anashkaloi si çështje, duke e braktisur atë që na e prezantoi si ?heroin? e ditës pak kohë më parë./ CNA.al