web counter
LEXO PA REKLAMA!

SHKARKO APP

App Store
Google Play

Albin Kurti sulmon kryeministrin Haradinaj dhe presidentin Thaçi

21 Qershor 2018, 15:41, Aktualitet CNA

Kryetari i lëvizjes VetëVendosja, Albin Kurti, në një konferencë për media nuk i ka kursyer kritikat për kryeministrin Ramush Haradinaj e presidentin Hashim Thaçi.

?Bëhen tre muaj që kur është ratifikuar demarkacioni. E asgjë nuk ka lëvizur. Jo pak deputetë u patën mashtruar nga premtimi për korrigjimin që nuk do të ndodhë?, deklaroi Kurti, raporton “lajmi.net”.

Sipas Kurtit qeveria Haradinaj është qeveri e pakicës, ndaj dhe Kosovë ka nevojë për zgjedhje të reja. Por, Kryetari i VV-së pati kritika edhe për dialogun me Serbinë, dhe presidentin Thaçi. Ai vlerëson se Presidenti po e vazhdon dialogun, për të ikur nga Gjykata Speciale.

?Presidenti flet për kompromis të dhimbshëm, dhe duket se e ka fjalën për dhimbjen e Kosovës si shtet dhe jo të atij. Ai nuk po shkon në Bruksel, ai po shkon te Vuçiqi, pasi ky dialog i nevojitet Serbisë për ta përshpejtuar rrugën në BE. E Thaçit për ta parandaluar përndjekjen nga Specialja?, deklaroi Kurti në konferencë për media. Sipas tij për Kosovën duhet të jetë prioritet punësimi, arsimi e shëndetësia.

Kurti në fund ka kërkuar një vlerësim zyrtar të dialogut deri më tani, me një raport i cili do të diskutohej në Kuvend.





Lajmet e fundit nga