web counter
LEXO PA REKLAMA!

SHKARKO APP

App Store
Google Play

Në kërkim prej 22 vitesh për vrasje/ Kush është 79-vjeçari i arrestuar

15 Qershor 2018, 09:12, Kronika CNA

Policia e Mallakastrës ka bërë të mundur gjetjen dhe lokalizimin e personit të shpallur në kërkim prej 22-vitesh, shtetasin Kadri Rustemi, 79-vjeç.

Rustemi me banim në Lavdan të Mallakstrës është dënuar me 25 vite burgim për vrasje me dashje, pasi në vitin 1991 ka vrarë me armë gjahu shtetasin XH.H dhe ka tentuar të vrasë shtetasin A.H, banues në Mallakastër.

Dënimi i tij është dhënë në vitin 1996 dhe që nga ajo kohë Kadri Rustemi ishte në kërkim.

Deklarata e plotë e policisë:

Vijon puna për kapjen e personave të shpallur në kërkim dhe vendosjen e tyre para përgjegjësisë ligjore.

I dënuar me 25 vite burgim për veprën penale “Vrasje” kapet dhe ndalohet nga  policia e Mallakastrës një shtetas i shpallur në kërkim.

Pas marjes së informacionit në rrugë operative dhe punës së mirëorganizuar nga shërbimet e Komisariatit të Policisë Mallakastër u bë e mundur lokalizimi, kapja dhe ndalimi i shtetasit të shpallur në kërkim:

-Kadri Rustemi, 79 vjeç, banues në Lavdan, Mallakastër.

Me vendim Gjykate Nr.38 datë 26.12.1996, ky shtetas është dënuar me 25 vjet burgim për veprat penale “Vrasje me dashje” dhe “Vrasje me dashje e mbetur në tentativë” parashikuar nga Nenet 76 dhe 76/22 të Kodit Penal.

Shtetasi Kadri Rustemi, në datën 26.07.1991 ka vrarë me armë gjahu shtetasin Xh.H dhe ka tentuar të vrasë shtetasin A.H, banues në Mallakastër.

Materialet do i kalojnë Prokurorisë pranë Gjykatës së Shkallës së Parë Fier për veprime të mëtejshme proceduriale.





Lajmet e fundit nga