E fundit!

15:52 Kronika

Pezullohet nga detyra ish-drejtori i Policisë Shkodër/ Nuk pranoi postin e ri

Agjencia e Mbikëqyrjes Policore ka pezuluar nga detyra ish...

Sot merret vendimi përfundimtar nga KPA/ Gati prangat për Adriatik Llallën?

11 Qershor 2018, 07:03, Kronika CNA

Kolegji i Posaçëm i Apelimit (KPA) pritet të mblidhet sot në orën 13:00, ku do të japë vendimin përfundimtar nëse ish-kryeprokurori, Adriatik Llalla, do t?i nënshtrohet ose jo procesit të vettingut.

Nëse KPA do të rikthejë Llallën në Vetting, atëherë ish ?kryeprokurori do t?i nënshtrohet hetimit të pasurisë, si dhe analizës së figurës morale dhe aftësive profesionale.

Kujtojmë këtu se në dy seancat e kaluara ish-kryeprokurori Adriatik Llalla nuk mori pjesë në seancë dhe u përfaqësua nga avokati Sokol Hazizaj, i cili tha se klientit të tij i kishte mbaruar mandati i kryeprokurorit, ndërsa shtoi faktin se nëse ai jep dorëheqje nga sistemi i drejtësisë, rivlerësimi ndërpritet.

Komisioneri Publik, Florian Ballhysa tha se Adriatik Llalla si magjistrat nuk ka ndjekur procedurën ligjore të dorëheqjes. Sipas tij, megjithëse Llalla ka lënë detyrën në dhjetorin e vitit të kaluar, ai nuk është larguar si magjistrat dhe si i tillë duhet të kalojë në filtrat e verifikimit të pasurisë dhe figurës.

Procesi ndaj Adriatik Llallës u ndërpre nga Komisioni i Pavarur i Kualifikimit pas dorëheqjes së ish-kryeprokurorit nga e drejta për t?u emëruar gjyqtar apeli dhe rrjedhimisht nga i gjithë sistemi i drejtësisë.

Verdikti u mor në atë kohë nga trupi gjykues i KPK me kryesues Roland Ilia dhe anëtarët Pamela Qirko dhe Olsi Komçi. Por, ky është rezultat i njëjtë sikurse edhe ai i një trupe tjetër gjyqësore të KPK, e cila po për shkak të dorëheqjes si gjyqtar kushtetues i ndërpreu vettingun edhe Besnik Imerajt.

Ndërkohë ish-kreu i organit të akuzës, Adriatik Llalla është edhe nën hetime nga Prokuroria për Krime të Rënda.

Veprat penale, për të cilat po hetohet Llalla përfshijnë ?refuzimin për deklarim, mosdeklarim, fshehjes ose deklarimit të rremë të pasurisë?, mosdeklarim të shumave të të hollave në kufi?, ?pastrim të produkteve të veprës penale? dhe ?shpërdorim detyre?.
Ndaj Llallës ka nisur verifikimi pasuror për shitjen e disa pronave pasi ka mospërputhje sa u përket shumave të deklaruara. Ai ka blerë toka me çmime shumë të ulëta kur ushtronte detyrën e Kryeprokurorit dhe pas rivlerësimit, vlerat e pronave janë rritur me dhjetëra herë./CNA.al