web counter
LEXO PA REKLAMA!

SHKARKO APP

App Store
Google Play

E fundit!

x

I kujt është faji?/ Prokuroria do të hetojë pagesën 53 milionëshe

6 Qershor 2018, 16:57, Aktualitet CNA

Pagesa e majme ka ngritur shumë dyshime, reagime e akuza për vjedhje dhe korrupsion me fonde të buxhetit të shtetit. Sepse janë jo pak, por 53 milionë euro që i’u dhanë pa kundërshtim kompanisë “Bechtel & Enka”, për ndërtimin e autostradës, ndërsa ish-ministri i Infrastrukturës, Lutfi Zharku dhe ministri i tanishëm, Pal Lekaj, akuzojnë njëri-tjetrin për shkaktimin e dëmit.

I kujt në të vërtetë ishte faji që Kosova mes milionave të humbur, iu morën edhe 53 milionë euro të tjera? Lumir Abdixhiku i LDK?së thotë se sonte në televizionin “T7” do të dalin me dokumente ekskluzive për të dëshmuar pafajësinë e tyre.

Që kur Lutfi Zharku i dorëzoi Pal Lekajt postin e ministrit të Infrastrukturës nuk është ndalur lufta e fajësimit mes tyre. Dëmet nga ky dikaster nuk janë të pakta e dyshja vazhdimisht e hedhin fajin te njëri-tjetri.

Një debat disamujor është edhe pagesa shtesë prej 63 milionë eurove që e kërkonte “Bechtel & Enka” nga Ministria e Infrastrukturës . Kjo e fundit i thau 53 milionë “Bechtelit” e s?mbeti asgjë tjetër pos të akuzohen palët mes vete.

Mirëpo i kujt është faji? Kjo asnjëherë nuk u bë krejtësisht e qartë se si u caktua shuma fillimisht 63 milionëshe, që më vonë ra në 53 milionë. U tha vetëm se kjo gjobë po vinte për shkak të vonesave të ndërtimit të autostradës Prishtinë-Shkup.

Kjo shumë ka ngritur shumë dyshime dhe reagime?akuza për vjedhje dhe korrupsion me buxhetin e shtetit.

Në këto kushte,  në një përgjigje me shkrim për gazetën kosovare “Express”, në Prokurorinë e Shtetit thonë se do të shikojnë nëse ka shkelje në çështjen e pagesës së Bechtelit.

?Prokuroria do të shikojë se a ka elemente të veprës penale a jo?, ka qenë përgjigja e ardhur nga institucioni i hetimit.

 





Lajmet e fundit nga