web counter
LEXO PA REKLAMA!

SHKARKO APP

App Store
Google Play

Aktori shqiptar në kastin e “Fast and Furious 9”: Ndjehem i nderuar që mu dha kjo mundësi

3 Qershor 2018, 11:53, Lifestyle CNA

Aktori shqiptar i suksesshëm në Hollywood, Marko Caka, ka ardhur së fundmi në Tiranë për pushime. Pas disa sukseseve në kinemanë amerikane ai ka marrë një konfirmim nga Universal Pictures, që do të jetë pjesë e kastit të aktorëve të ?Fast and Furious 9?.

Marko do të ketë rolin e policit në zbulim e shpartallimit të grupeve të drogës në Florida.
Xhirimet nisin nga fundi i këtij viti deri në korrik të vitit 2019, teksa premiera do të shfaqet në kinematë botërore në prill të vitit 2020.

Edhe këtë herë kasti do të përbëhet nga aktorët e njohur si: Vin Diesel, Tyrese Gibson, Dawyn Johnson e Jason Statham, dhe me një ndryshim të vogël në regji, ku tani regjisor do të jetë Justin Lin i njohur në serialet S.W.A.T.

Telegrafi ka kontaktuar aktorin për të pyetur rreth emocioneve me të marrë lajmin se do të jetë pjesë e kastit të aktorëve të këtij filmi.

?Konfirmimi nga produksioni Universal për të qenë pjesë e vazhdimit të sagës së ?Fast and Furious 9? është një sihariq i madh për mua. Të jem i sinqertë ka dy vjet që më ka munguar magjia e shesh xhirimit të saj, puna kolosale e aktorëve protagonistë dhe të dublanteve, si dhe ekipit xhirues të Universal. Tani jam vetëm në pritje për të parë skenarin ku do të jem përsëri në rolin e policit operativ, por këtë radhë në operacionet kundra grupeve kolumbiane të trafikut të drogës?, ka thënë Marko Caka.





Lajmet e fundit nga