web counter
LEXO PA REKLAMA!

SHKARKO APP

App Store
Google Play

E fundit!

x

I dha të gjitha paratë për bamirësi, milioneri mysliman vdes nga kanceri

1 Qershor 2018, 10:45, Lifestyle CNA

Është gjithmonë mirë të dëgjojmë që njerëz të pasur japin para për bamirësi, për njerëzit që janë në nevojë, për shtresa të caktuara të shoqërisë.

Mirëpo, ky milioner i ri i dha të gjitha paratë e tij nën rrethana të veçanta. Në vitin 2015 ai u diagnostikua me kancer vdekjeprurës. Nuk kishte asnjë mundësi për të shpëtuar, ndaj vendosi që të ndryshonte pozitivisht atë pjesë të jetës që i kishte ngelur.

Ali Banat, nga Sidney, Australi, jetonte një mënyrë jetese luksoze para se të mësonte se ishte prekur nga kanceri dhe në fillim të kësaj jave, të ndërronte jetë.

Njerëzit tani janë duke dhuruar para për bamirësi në fondacionin që ai themeloi “Myslimanët rreth botës”.

Aliut i thanë fillimisht se i kishin ngelur vetëm 7 muaj jetë, por ai arriti të merrte frymë dy vite më shumë sesa mjekët parashikuan.

Filantropisti dhe ish-biznesmeni vendosi të shpenzonte vitet e tij të fundit duke mbledhur para për myslimanët.

Para se të diagnostikohej, Aliu jetonte në luks me makina të shpejta, veshje luksoze nga më të mirat e sende të tjera me vlera marramendëse.

Këpucët e tij ishin të gjitha Louis Vuitton, ndërsa vetëm një byzylyk i kushtonte 60,000 dollarë.

Sapo mësoi se ishte sëmurë, e kuptoi se asnjëra prej tyre nuk vlente.

Ai tha në atë kohë:

Kur zbulon se je sëmurë apo se nuk ke shumë kohë për të jetuar, kjo është e vetmja gjë që do të bësh. Unë kështu dua të jetoj çdo ditë, duke dhuruar”.

Në një dokumentar të shkurtër të hedhur në YouTube, Ali e përshkruan sëmundjen si dhuratë.

I riu ka thënë:

Është një dhuratë pasi Allahu më ka dhënë mundësinë për të ndryshuar”.





Lajmet e fundit nga