web counter
LEXO PA REKLAMA!

SHKARKO APP

App Store
Google Play

Ermal Meta sherr për pikët e Eugentit: Më erdhi turp nga Italia!

1 Qershor 2018, 11:22, Lifestyle CNA

Për herë të parë nga vendlindja e tij, këngëtari shqiptar Ermal Meta pranoi se shqiptari që këndoi më mirë në Eurovizion këtë vit, ishte Eugent Bushpepa.

Në një konferencë për shtyp para koncertit që do të mbahet sot në Sheshin ?Skënderbej?, Ermali rrëfeu se ka bërë një sherr për faktin që Italia nuk i dha asnjë pikë Shqipërisë në votimin profesional të jurisë.

?Ishte nje event i rrallë që ishin 3 shqiptarë në Eurovizion. Eugenti ka zë të mahnitshëm, nga të tre, ishte ai që këndoi më mirë. Ju falënderoj për pikët që më dhatë. Më erdhi turp nga Italia dhe të them të drejtën kam bërë një gjysmë sherri për këtë?, u shpreh Ermali para se kreu i bashkisë Erion Veliaj, ta ndërpriste për t?i thënë: ?Për këtë do të na flasësh në prapaskenë.

Pyetjes: ?A je krenar që je shqiptar??, Ermali i dha përgjigjen më emocionuese?:

Është pyetje që do përgjigje shumë të thjeshtë: Jam shumë krenar që jam shqiptar. Një fëmijë nuk e zgjedh atdheun ku do të lindë, por nëse unë do të lind sërish e do të kem mundësi të zgjedh, do zgjidhja prap të lindja këtu?.

Megjithatë pavarësisht se është krenar që është shqiptar, Ermali u pyet gjatë konferencës se përse nuk ka bërë një këngë në gjuhën shqipe. Këngëtari shqiptar tha se ka bërë 2-3 këngë shqip, por nuk i ka publikuar pasi gjuha shqipe është shumë e pasur dhe ndonjëherë bëhet e komplikuar me titujt.

?Kam shkruar disa këngë në shqip, por jam rritur në Itali dhe zhvillimin e kreativitetit nga ana e gjuhës e kam bërë në italisht dhe ndonjëherë më bëhet e vështirë të shkruaj në shqip. Gjuha jonë është e pasur me tinguj dhe ndonjëherë bëhet e komplikuar. Kam bërë dy-tre, por kam nevojë ta studioj në mënyrë më të saktë?.





Lajmet e fundit nga