Ahmetaj prezanton projektin për promovimin e turizmit

23 Maj 2018, 08:47, Ekonomi CNA

Ministri i Financave, Arben Ahmetaj ishte i pranishëm sot në një aktivitet, ku u prezantua projekti për promovimin e turizmit.

Qeveria ka përgatitur disa ndryshime në ligjin ?Për Partneritetin Publik Privat (PPP)?, ku bëhet e ditur se nuk do të pranojnë më oferta të pa kërkuara. Ky fakt u bë i njohur nga ministri i Ekonomisë dhe Financave, Arben Ahmetaj.

Teksa prezantoi sot projektin për promovimin e turizmit ?P.A.S.T 4Future?, Ahmetaj deklaroi se po bëhet një përmirësim në legjislacion, duke hequr dorë nga ofertat e pa kërkuara.

?Ka qenë një diskutim i gjatë midis nesh, Bankës Botërore, Fondit Monetar Ndërkombëtar, Komisionit Europian dhe USAID-t. Praktikisht qeveria po kalon në një fazë të dytë shumë më të zgjuar në aspektin e menaxhimit të risqeve?, tha ministri.

Sipas tij, drafti ka kaluar në institucionet e linjës për mendim marrje dhe duke nisur nga viti 2019 qeveria nëpërmjet këtyre ndryshimeve në ligj, nuk do të lejojë më oferta të pa kërkuara në shumë sektorë dhe do të vazhdojë vetëm me ofertat e kërkuara. Kjo, theksoi kreu i financave publike, bën një diferencë shumë të madhe në të gjithë atë debat apo pikëpyetje që kanë lindur këto 27 vite për sa i përket PPP apo koncesioneve.

Po ashtu Ahmetaj tha se në vendin tonë në periudhën e sezonit turistik gjatë vitit të kaluar kanë hyrë 5.2 milionë turistë. Teksa theksoi rëndësinë e këtij sektori, Ahmetaj pohoi se nevojitet edhe përmirësimi i infrastrukturës. Ndërkohë ministri pohoi se paketa prej 1 miliard dollarësh do të ndryshojë infrastrukturën.

?Numri i vizitorëve ka një rritje 8.7 % krahasuar këtë periudhë një vit më parë. Duke e konsideruar turizmin prioritet, ministria e Financave mori iniciativën për lehtësimin e strukturës së akomodimit. Kemi dhënë edhe paketa për turizmin dhe investitorët. Por krahas turizmit nevojitet edhe infrastruktura. Paketa prej 1 miliard dollarë, pra paketa e partneritetit publik-privat, në këndvështrimin e lidhjes bënë një punë të konsiderueshme që do të ndryshonte hartën e infrastrukturës. Kam nxjerrë një procedurë për të nisur procesin për investimet strategjike?, tha Ahmetaj.