E fundit!

12:39 Aktualitet

“Vrasja e efektivit duhet të hetohet”/ Berisha akuza Hitës: Në vend të dorëheqjes kërkon të mbrojë karrigen e tij

Kreu i PD-së Sali Berisha ka kërkuar hetim të thelluar në ...

7 produkte bukurie që duhen hedhur urgjentisht!

23 Maj 2018, 12:53, Lifestyle CNA

Sot, në epokën e Instagram- it mjafton të na zënë sytë trukun më të ri të bukurisë dhe nxitojmë për ta provuar. Por a jemi duke bërë gjënë e duhur për lëkurën tonë? Ja ç?thonë specialistët:

Dermatologët ju sugjerojnë të përdorni krem për duart apo trupin në vend të versionit lëng. Kjo për faktin se kremi arrin të depërtojë në lëkurë dhe siguron një pengesë që parandalon humbjen e lagështisë së lëkurës, ndryshe nga lëngu të cilin lëkura nuk e përthith dot, për shkakun se ka një përmbajtje të lartë uji. Lëngun mund ta përdorni në rastin kur s’keni lëkurë shumë të thatë ose kur dëshironi të shmnagni ndjesinë ngjitëse apo të yndyrshme që ju jep prania e kremit në lëkurë.

Maska e zezë me qymyr, e cila në një periudhë qe mjaft popullore, për shumë dermatologë s?është aspak e këshillueshme. Jo vetëm që shkakton shumë dhimbje në momentin e heqjes, po shkatërron strukturën e lëkurës duke zhvendosur qelizat, qimet dhe vajin e dobishëm.

Ekspertët pranojnë se ndonëse kremi i diellit me sprucim është shumë i lehtë në përdorim, kremi klasik është më i këshillueshëm. Kjo për faktin se versioni i parë i humbet shumë elemente të dobishme në ajër pa mundur të arrijnë në lëkurë.

Vajrat nxirës janë gjithashtu në listën e zezë të dermatologëve. Kanë një nivel shumë të ulët mbrojtjeje ndaj rrezeve ultraviolet si dhe bllokojnë poret duke përkeqësuar gjendjen e lëkurës.

Kremi hidrokortizon po ashtu! Kremi në fjalë supozohet të përdoret kur dikush ka probleme serioze me lëkurën, madje shumë nisin ta përdorin pa u këshilluar me një specialist më parë. Duhet të dini se kremi mund të shkaktojë irritim, skuqje, shtim të akneve deri në plagë.

Hiqni dorë edhe nga maskat hidratuese apo ushqyese të këmbëve. Kremrat kanë fare lehtë të njëjtin efekt. Me pak fjalë, shpenzim i kotë!

Dhe si përfundim, vaji i kokosit. Pavarësisht se flitet kudo për të, vaji nuk është trajtimi i duhur për çdo fytyrë, pasi e bën lëkurën të yndyrshme, bllokon poret, shton aknet dhe njollat.