E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Vajza e Schumacherit jep intervistën e saj të parë/Ja çfarë do të ndodhë me babain e saj

9 Maj 2018, 13:06, Lifestyle CNA

Vajza e Michael Schumacher ka dhënë intervistën e saj të parë televizive dhe zbulon se si ajo ka ndjekur pothuajse gjurmët e babait të saj.
Gina-Maria, 21 vjeç tha për televizionin gjerman NDR se përfundimisht zgjodhi sportin mbi katër këmbë se sa atë mbi katër rrota pasi u dashurua me kuajt.

Programi “Aventura me kuajt” përqendrohet në arritjet e saj në kalërimin e kuajve në perëndim, kategori në të cilën Gina është një kampione botërore në fuqi.

Në intervistën e saj ajo ka përmendur paksa dhe të atin, por intervista e plotë do të jepet sonte në darkë, ku pritet që ajo të flasë edhe për gjendjen shëndetësore të Schumacher, i cili prej 6 vitesh thuhet se është në koma pasi ka shumë pak informacione rreth gjendjes së tij shëndetësore.

Në një pjesë të intervistës Gina thotë:

Kam shkuar për gara kart me babain për një sezon, por nuk më pëlqeu. Preferova më mirë kuajt.”
Pastaj ajo vijoi të lëvdonte kalin e saj duke treguar se ky sport është i bukur pasi ajo nuk e detyron kalin që ta bëjë, njëlloj siç bëhet me makinat.

Shëndeti i babait të saj është ruajtur nga afër që kur ka pësuar një dëmtim traumatik të trurit gjatë një aksidenti me ski në alpet franceze në dhjetor 2013.

49-vjeçari është nën përkujdesjen e familjes së tij, në shtëpinë pranë liqenit të Gjenevës, në Zvicër, ku vijon rikuperimin pas aksidentit horror.

Që atëherë gjendja shëndetësore e legjendës së garave me makina ka mbetur një mister, pasi familja e tij thotë se nuk është “çështje publike”.

Gruaja e tij Corrina, 46 vjec, djali Mick dhe Gina-Maria kanë folur rrallë për atë që ka ndodhur.

Megjithatë, në një postim të rrallë në mediet sociale vitin e kaluar, Gina-Maria shkroi një mesazh frymëzues për fansat, duke mbajtur ende gjallë shpresat për rikuperimin e tij: një pikturë liqeni të qetë nga sipër kalit.

Mesazhi i saj në rrjetin social ishte:

Në jetë ka vetëm gëzime, të dashurosh dhe të dashurohesh. Vazhdo të luftosh!”
Schumacher është një nga pilotët më të mëdhenj të historisë së Formulës 1, 7 herë kampion bote në vitet 1994 dhe ?95 me Benettonin, si dhe 2000-2004 me Ferrarin. Ai ruan ende rekordet e më shumë titujve, në shumë garave të fituara./CNA