E fundit!

12:05 Aktualitet

Protestat/ Balla: Dritan Goxhaj punon për regjimin iranian

Kreu i grupit parlamentar të PS-së Taulant Balla, në një d...

"Luftë e ftohtë" Rama-Meta/ Reagon ministrja Gjonaj

8 Maj 2018, 10:13, Aktualitet CNA

Ministrja e Drejtësisë, Etilda Gjonaj në një deklaratë për mediat paraditen e sotme ka reaguar në lidhje me vendimin e djeshëm të KLD-së, i cili hodhi poshtë kërkesën për shkarkimin e katër gjyqtarëve.

Ministrja Gjonaj e cilësoi vendimin e KLD-së, si një pjesë e zezë e historisë së këtij sistemi të drejtësisë, i cili sipas saj do të marrë fund. Ajo ka numëruar shkeljet e gjyqtarëve Petraq Curri, Ergys Selmani, Ahmet Jangulli dhe Ken Dhima.

Në mënyrë të veçantë, ministrja Gjonaj theksoi edhe vendimin për lënien në detyrë të gjyqtarit të Vlorës, Ken Dhima, për të cilin tha se “KLD nuk shkarkoi gjyqtarin e Vlorës me 212 vendime gjyqësore të arsyetuara me vonesë?.

Sipas ministres Gjonaj, Ken Dhima ka kryer veprime të papërgjegjshme në dëm të interesave të qytetarëve.

?Si anëtare e këtij këshilli, cilësoj se vendimmarrja e djeshme e KLD-së është e pajustifikueshme. Dje ishte ditë e zezë për drejtësinë shqiptare. Dje KLD nxori në pah sfidën e madhe që kemi përpara. KLD tregoi se ka dështuar dhe është kthyer në strukturë mbrojtëse të interesave të gjyqtarëve dhe në dëm të publikut?. ?u shpreh Gjonaj.

Po ashtu ajo theksoi se është e vendosur për transformimin rrënjësor të sistemit të drejtësisë dhe për pastrimin nga kafka e korruptuar që e ka mbajtur peng.

?Me zbatimin e reformës në drejtësi, vendime si ato të djeshmet do të jenë pjesë e padenjë e një sistemi të cilit po i vjen fundi?.-tha më tej Gjonaj.

Kujtojmë këtu se në mbledhjen e djeshme, Këshilli i Lartë i Drejtësisë i drejtuar nga presidenti Meta hodhi poshtë kërkesën e Ministrisë së Drejtësisë për shkarkimin e 4 gjyqtarëve, më konkretisht: Të Petraq Currit në Durrës, të Ergys Selmanit në Fier, të Ken Dhimës në Gjykatën Administrative të Vlorës dhe Ahmet Jangullit të Shkodrës.

KLD rrëzoi sërish ministren, duke lënë në detyrë gjyqtarët dhe minuar vendimmarrjen në këtë institucion. Ky vendim vjen në një kohë kur KLD mund të shkrihet brenda disa javësh./ CNA.al