E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Albin Kurti bën ndryshime në VV

7 Maj 2018, 14:44, Kosova & Bota CNA

Ende pa u themeluar partia e re, Albin Kurti i ka zëvendësuar ata që u larguan nga Vetëvendosje. Kurti ka vendosur që pozitën e sekretarit organizativ të partisë, të cilën e mbante Dardan Molliqaj, ta bëjë shumë më të parëndësishme.

Lëvizja Vetëvendosje ka mbushur dje boshllëkun që kishin lënë grupi i të dorëhequrve, duke emëruar anëtarë të rinj të kryesisë. Albin Kurti është përkujdesur që të mbush pozitat e braktisura nga ish-eksponentët e partisë, por jo me figura të votuara, e të njohura që kishte dikur në postet e larta.

Pozita e sekretarit organizativ së një partie asnjëherë nuk ka qenë më e rëndësishme se sa kur një të tillë në Vetëvendosje e bartte Dardan Molliqaj. Një nga tre njerëzit më të rëndësishëm të partisë, që shihej teksa nxirrte njerëz nga veturat zyrtare, e qëndronte pas protestave shpeshherë të dhunshme.

Tashmë kur ka kaluar vala dramatike e dorëheqjeve të famshme të Vetëvendosjes, ku çdo ditë vinte nga një letër e gjatë që paralajmëronte largimin e figurave më të rëndësishme të partisë si Aida Dërguti, Visar Ymeri, Dardan Molliqaj e Dardan Sejdiu, ujërat kanë filluar të qetësohen, shkruan express.

Pozitat e larta të partisë po u jepen besnikëve të urtë të Kurtit, pa prapavijë të zhurmshme politike. Kurti po qëndron me autoritet të plotë në krye ta partisë veçse në pozitat përreth ka vendosur të mos ketë njerëz që kanë potencial për t?i dalë duarsh si Molliqaj.

Së paku nëse e lexojmë rezultatitn e zgjedhjeve të fundit ku Molliqaj hyri në garë për herë të parë e doli njeriu më i votuar pas Kurtit.

Dje Këshilli i Vetëvendosjes, në mes tjerash, zgjodhi Besnik Bislimin nënkryetar të parë, pozitë kjo që dikur e mbante Aida Dërguti. Po ashtu zgjodhi edhe sekretaren organizative.

Përgjatë kohës kur Molliqaj ishte sekretar organizativ, kjo pozitë dukej të kishte rëndësinë më të madhe pas kryetarit të partisë.

E kishte thënë vetë Kurti, e kjo ka qenë edhe e dukshme se boshti i partisë dhe organizimeve, deri te ato më brutalet, ka qenë Visar Ymer, Albin Kurti e Dardan Molliqaj.

Të tre përbënin edhe tre njerëzit më të votuar të partisë. Tash Kurti rreth vetës nuk ka më njerëz me ndikim. Ka zgjedhur që postet e fuqishme t?i bartin njerëz jo shumë të njohur e shumë pak të votuar.

Në pozitën që mbante dikur Molliqaj, tash është vendosur Vlora Haxhimehmedi. Duke pasur parasysh se VV ka pakësuar thirrjet për protesta që nxirrnin në sheshet e kryeqytetit mijëra njerëz, Haxhimehmedi mund edhe të mos ketë aq shumë punë.

Sekretarja e re organizative e VV-së është kthyer nga Norvegjia vetëm para një viti dhe ishte angazhuar si Drejtoreshë pranë Drejtorisë së Shëndetësisë në Komunën e Mitrovicës.

Në zgjedhjet e qershorit, ajo kishte kandiduar për deputete dhe kishte mbledhur rreth tre mijë vota, pa arritur të fitojë një mandat.

Në pozicionin e drejtuesit të Sekretariatit për Marrëdhënie me Jashtë është zgjedhur Boiken Abazi dhe udhëheqëse e Komiteteve të VV?së, Dejona Mihali. Anëtarët e rinj të Kryesisë, përmes votimit, janë plotësuar me Arbërie Nagavcin, Martin Berishajn, Arber Rexhajn, Arbër Zaimin dhe Ajet Poterën.