web counter
LEXO PA REKLAMA!

SHKARKO APP

App Store
Google Play

E fundit!

x

Vrasja e shqiptarit në Columbi/ Artan Hoxha: Lagji i përfshirë edhe në...

18 Prill 2018, 18:57, Aktualitet CNA

Gazetari investigativ, Artan Hoxha, i ftuar në studion e televizionit News24, në rubrikën “Opinion” ka nxjerrë të tjera detaje nga vrasja e shqiptarit Adriatik Lagji.

Hoxha u shpreh se Lagji është vrarë me dy plumba në kokë, çka tregon se ka qenë një vrasje tipike mafioze. Sipas tij, Lagji dyshohet se ka qenë i lidhur me trafikun ndërkombëtar të drogave të forta, por pavarësisht kësaj, trupi i tij nuk është transportuar dot nga Columbia për në Shqipëri, për shkak të kostos së lartë dhe është varrosur në Bogota me datë 5 prill, tre ditë pas vrasjes.

“Nuk i përballonin kostot për sjelljen e trupit, i është kërkuar edhe Ministrisë së Jashtme por nuk i është ofruar ndihmë”, – tha Artan Hoxha, ndërsa shtoi se në Bogota jeton bashkëshortja e tij me një fëmijë.

Po krahas lidhjeve të Adriatik Lagjit me trafikun e drogave të forta, Artan Hoxha tha se ka dyshime edhe për përfshirje të tij në trafikun e klandestinëve. Sipas Hoxhës, një klandestin paguante 30 mijë dollarë për të shkuar në mënyrë të paligjshme në Shtetet e Bashkuara të Amerikës. /CNA.al





Lajmet e fundit nga