E fundit!

09:44 Politikë

Triumfoi ndaj Boçit në garën për nënkryetar/ Mesazhi i Këlliçit pas fitores

Belind Këlliçi është zgjedhur nënkryetar i PD-së me 177 vo...

Familja azilkërkuese Sazexhiu paguan “faturën” e ujdisë Bushati-Collomb

8 Prill 2018, 11:37, Kosova & Bota CNA

Francezët si një popull i mbrojtur me idealet e larta të lirisë, barazisë e vëllazërisë në dhjetëra raste kanë dalë në mbrojte të familjeve hallexhije shqiptare, që kërkojnë azil në Francë. Qeveria shqiptare i ka shitur e zvetënuar interesat e shtetasve të vet, veçanërisht pas takimit Bushati-Collomb, takim, që solli aq pasoja të hidhura për azilkërkuesit shqiptarë. Qytetarët francezë kanë dalë në mbrojtje të këtyre familjeve të mjera shqiptare braktisur në mënyrë cinike nga qeveria e tyre.

Qytetarët francezë spontanisht po organizojnë peticione, demonstrata, po lobojnë ndërhyrjen e deputetëve dhe senatorëve francezë për të bllokuar deportimin e këtyre gjynahqarëve për në Shqipëri.

Tipik është rasti i familjes Sazexhiu në qytezën La Buexiere në krahinën e Bretanjës në Francën veriperëndimore.

Kjo familje me dy fëmijë të mitur rrezikon, që të hënën më 9 prill të deportohet forcërisht nga Xhandarmëria Kombëtare për në Shqipëri. Banorët e qytetit të prirë nga kryetari bashkisë janë mobilizuar për të firmosur një peticion, ku i kërkohet Gjykatës së Apelit në Nantë të bllokojë dëbimin e familjes Sazexhiu. Disa qindra banorë ndërmorën edhe një miting proteste po për këtë problem me pjesëmarrjen e deputetit të zonës, kryetarit të bashkisë dhe të një senatori.

Ata theksuan se babi Myslymi dhe nënë Ajtenka nuk kanë shkaktuar asnjë problem për qytetin. Ata nuk kanë kryer asnjë krim, por kanë bërë çdo punë për të mbajtur e rritur dy fëmijët e mitur. Qytetarët francezë theksojnë se familja Sazexhiu është një familje model, që nuk ka shkelur asnjëherë të vetme ligjin, kështu që nuk ka asnjë arsye që kjo familje të dëbohet.

Për qytetarët e revoltuar francezë pak rëndësi kanë sigurimet zyrtare të qeveritarëve shqiptarë për homologët e tyre francezë, që Shqipëria është vend i sigurt dhe shqiptarët si familja Sazexhiu nuk kanë as arsye e as shkak për të qëndruar në Francë si azilkërkues. Hallet e shqiptarëve si familja Sazexhiu kanë arritur në atë derexhe, që më shumë ua qajnë francezët sesa pushtetarët shqiptarë, rroga e të cilëve ndër të tjera paguhet edhe nga taksat e xhepi i familjeve të azilkërkuesve si ajo Sazexhiu. /GJERGJ THANASI /CNA.al