web counter
LEXO PA REKLAMA!

SHKARKO APP

App Store
Google Play

E fundit!

x

Delawie: Kosova dhe Serbia s’kanë alternativë tjetër përveç bisedimeve

5 Prill 2018, 13:45, Kosova & Bota CNA

Ambasadori amerikan, Greg Delawie ka thënë se dialogu ndërmjet Kosovës dhe Serbisë ka sjellë përfitime për Kosovën.

Delawie këto komente i bëri në konferencën ?Skenarët e ?Finales së Madhe? ndërmjet Kosovës dhe Serbisë?, të organizuar nga RIDEA dhe mbështetur nga Ambasada e Norvegjisë.

?Kohëve të fundit një dëshmi e tillë është mbledhja e të ardhurave doganore në veri, kemi pasur përfitime të dukshme gjatë viteve të fundit dhe kjo mund të vazhdojë edhe më shumë?, tha ai.

Sipas tij, nuk ka alternativë tjetër përveç bisedimeve, negociatave si dhe kompromisit.

?Më vjen mirë që pashë lajmërimin e mbrëmshëm për themelimin e Asociacionit të Komunave me Shumicë Serbe. Mendoj se ky është një hap i rëndësishëm nga ana kosovare për përmbushjen e të gjitha obligimeve të marra. Një faktor tjetër që është shprehur kohëve të fundit ka të bëjë me Strategjinë për gjashtë vendet e Ballkanit Perëndimor, e që kanë dhënë me të vërtetë stimulim si për Kosovën, ashtu edhe për Serbinë, për të shkuar drejt normalizimit që kemi folur për vite?, tha ai.

Delawie tha se Shtetet e Bashkuara të Amerikës mbështesin aspiratat e Kosovës dhe të Serbisë për t?ju bashkuar Evropës.

?Mbështesim aspiratat e tyre dhe mendoj që viti 2018 është viti kur këto dy vende duhet të bëjnë përparim në dialog për aspiratat e tyre?, tha Delawie.

 





Lajmet e fundit nga