web counter
LEXO PA REKLAMA!

SHKARKO APP

App Store
Google Play

E fundit!

x

Çdo grua s’duhet t’i anashkalojë këto 7 simptoma

2 Prill 2018, 12:53, Kuriozitete CNA

Në këtë artikull do të flasim për hormonet, konkretisht çrregullimet e tyre. Shumë procese të rëndësishme në trupin tonë janë të kontrolluara nga hormonet. Ndaj, ulja e prodhimit të tyre ndikon në gjendjen tonë emocionale, sjellje, shëndet dhe aparencë.

Por si ta kuptoni që keni një çekuilibër hormonal? Ne do t?ju tregojmë shenjat më të zakonshme që vijnë si pasojë e mosbalancës së hormoneve.

1. Dhimbje e vazhdueshme koke

Sipas mjekëve specialistë, arsyeja pse keni sistematikisht dhimbje koke (përveç lodhjes dhe stresit) mund të jetë dhe niveli i ulët i estrogjenit. Estrogjeni është një hormon femëror, i cili prodhohet në vezore dhe ndikon te të gjitha proceset që zhvillohen në tru apo në palcën kurrizore. Mungesa e lartë e tij mund të bëhet shkaktar për shfajen e migrenës ose humorit të keq.

2. Pagjumësi

Në shumë raste pagjumësia vjen si pasojë e sasisë së ulët të progesteronit. Ky hormon ju ndihmon të qetësoni si dhe mban të normalizuar gjumin. Kjo gjendje është normale vetëm për gratë që sapo lindin, ku niveli i estrogjenit dhe progesteronit ulet ndjeshëm. Në raste të tjera është e patolerueshme.

3. Djersitje

Djersitja e papritur dhe ethet mund të tregojnë gjithashtu që diçka nuk shkon me hormonet tuaja. Hormonet kontrollojnë temperaturën e trupit, ndaj nëse keni një çrregullim të tyre, krejt papritur do të keni shumë vapë. Mjekët thonë se kjo është diçka shumë e zakonshme gjatë menopauzës, ku liveli hormonal është shumë i paqëndrueshëm. Po nëse nuk është ky rasti atëherë ka një problem në trupin tuaj.

4. Lodhje e përhershme

Nëse lodhesh shumë shpejt dhe ndihesh gjithë kohës e këputur, kjo mund të vijë si pasojë e mosekuilibrit hormonal. Lodhja kronike është kryesisht simptomë e problemeve në prodhimin e hormonit tiroidal.

5. Rënie floku

Rënia e flokëve shkaktohet nga hormoni tiroidal, insulina dhe testosteroni. Ky i fundit, prezenca e shumtë e tij, i bën meshkujt të jenë shumë më leshatorë, ndërkohë te femrat, niveli i lartë i testosteronit shkakton të kundërtën. Në raste të caktuara, një hormon i prejardhur nga testosteroni e shkatërron rrënjën e flokut, çka çon në rënien e tyre.

6. Uri e pakontrollueshme

Trupi ynë sintetizon hormone, që janë përgjegjëse për të ngrënit. Një çekuilibrim i tyre shpie në oreks të jashtëzakonshëm, ku ju ndiheni gjithë kohës të uritur.

7. Shfaqje e papritur aknesh

Aknet dhe pikat e zeza shfaqen kur poret tuaja janë të bllokuara. Por specialistët thonë se një shfaje e menjëhershme e tyre mund të vijë dhe si pasojë e një ndryshimi hormonal në trup. Për shembull, një nivel shumë i ulët i androgenit ju shkakton akne në të gjithë trupin./CNA





Lajmet e fundit nga