web counter
LEXO PA REKLAMA!

SHKARKO APP

App Store
Google Play

E fundit!

x

Video-“Ka mundësi ta heqësh atë celular. Mos më filmo mua"/ Pas denoncimit, studentët përballen me “shefen” e universitetit

31 Mars 2018, 15:57, Aktualitet CNA

Pas hapjes së një banderole nga studentët, në dritaret e godinës së Universitetit të Shkencave të Natyrës, për të treguar se aty kishte pedagogë që merrnin 700 euro për një provim, ata janë përballur me reagimin e ashpër të shefes së administrimit dhe shërbimeve pranë këtij fakulteti.

Në një video të postuar në rrjetet sociale nga Aktivistët e Lëvizjes Për Universitetin, ajo ju është drejtuar studentëve dhe u ka kërkuar llogari për këtë veprim, ndërsa ka kërkuar që të mos e filmonin me celularë.

?Ka mundësi ta heqësh atë celular. Mos më filmo mua. Ok vazhdo, kujton se po bën ndonjë gjë të bukur? Të gënjen mëndja. Ka mundësi të më thuash çfarë je duke bërë? Institucioni ka një rregullore dhe jo kushdo mund të vijë dhe të bëjë çfarë të dojë. E dini shumë mirë që duhet të merrni leje për çfarëdolloj veprimi dhe iniciative?, iu drejtohet ajo me tone të larta studentëve.

Më pas ajo ka vijuar duke iu drejtuar sërish studentes duke e pyetur se çfarë përfaqëson dhe çfarë kërkon me këtë veprim.

?Ti kush je? Ti kush je që vjen këtu si trime? Çfarë përfaqëson ti? Në institucion do sillesh brenda normave dhe rregullave?, dëgjohet të thotë ajo.

Aktivistët e Lëvizjes për Universitetin shprehen se Përpos dhunës sistematike të ushtruar tarifat e larta dhe korrupsioni i pedagogëve, studentët duhet të përballen vazhdimisht edhe me dhunën e ushtruar nga strukturat burokratike nëpër fakultete. ?Gjatë aksionit të fundit të hapjes së banderolës në FSHN, studentët janë hasur rishtazi me burokracinë e administratës së fakultetit, e cila në vend që të merret me korrupsionin që ka pllakosur universitetin nga të gjitha anët merret me studentët të cilët guxojnë të ngrenë zërin kundër korrupsionit, haraçit dhe padrejtësive të ndryshme.

Por me ngjarjet e fundit duket se studedentët po organizohen dhe këtyre padrejtësive do u vijë fundi.?- thuhet në deklaratë.

Më poshtë mund të ndiqni debatin e plotë, të shpërndarë nga faqja ?Për Universitetin?.

Video-?Mr 700 euro?/ Studentët denoncojnë pedagogun  





Lajmet e fundit nga