web counter
LEXO PA REKLAMA!

SHKARKO APP

App Store
Google Play

E fundit!

x

Si të gatuajmë vezën me makinë llogaritëse

29 Mars 2018, 13:00, Lifestyle CNA

Gatimi i një veze duket si një nga ato gjëra që do të konsideroheshin të parat që mëson një njeri, i cili nis të gatuajë. Por, sikurse ka thënë edhe fizikani Milosz Panfil, kjo është një gjë që askush prej nesh nuk e bën dot dhe aq mirë.

Pyetja në këtë rast është: Pse? E pra, për arsye të thjeshtë që ka të bëjë me faktin se kur ne marrim një vezë, asnjëherë nuk jemi të ndërgjegjshëm për kompleksitetin e faktorëve që ndikojnë në zierjen e saj.

Sipas specialistit, vlimi i një veze të vogël nuk është i njëjtë me vlimin e një veze të madhe. Duhet të marrim parasysh shumë faktorë të tjerë, veçanërisht një që nuk do të kishte kaluar kurrë mendjet tona: lartësia mbi nivelin e detit në vendin ku ndodhemi.

Vetëm duke menduar për të gjithë këta faktorë do të jemi në gjendje të dimë sa kohë na duhet për të zier mirë një vezë.

Për të kuptuar sa kohë na duhet që të ziejmë vezën, është e nevojshme të merret parasysh ky ekuacion që shihet në foton e mëposhtme, i hartuar nga profesor Panfil.

Meqë shumica dërrmuese nuk do të ishte në gjendje ta zgjidhë ekuacionin, shkencëtari e ka bërë punën edhe më të lehtë. Ai ka krijuar këtë kalkulator të vogël dixhital, përmes së cilit mund të marrim përgjigjen pa shumë vështirësi.

Veç kësaj, fizikani siguron këshilla të tjera që janë të nevojshme për t’u ndjekur në mënyrë që veza të jetë e përsosur. Ju duhet të vendosni gjysmë lugë kripë në ujë të bollshëm.

Preferohet që gjithmonë të përdoren vezët që janë në temperaturën e dhomës dhe jo ato që rrinë në frigorifer. Gjithashtu, pasi ta keni lënë vezën të ziejë aq kohë sa ju ka thënë ekuacioni, këshillohet ta vendosni atë në ujë të ftohtë për jo më shumë se dy minuta.





Lajmet e fundit nga