Shpërndanin kokainë në shkolla/ Në pranga 3 persona

24 Mars 2018, 09:06, Kronika CNA

Në Fier është goditur një rast i shpërndarjes së drogave në shkolla.

Janë sekuestruar 36 doza kokainë, ndërsa janë arrestuar 3 shtetas.

Në pranga kanë rënë Shkëlzen Gjata, Marilglen Malleraj 35 vjeç nga Fieri si dhe Pranvera Isufaj 27 vjeçe.

Arrestimi u bë pas informacionit se në një lokal do të shitej drogë./CNA.al

Njoftimi i Policisë:

Finalizohet me sukses operacioni antidrogë i koduar “MESNATA”.

Policia godet një tjetër rast të shpërndarjes së drogave të forta.

Sekuestrohen 36 doza me lëndë narkotike e dyshuar Kokainë.

Arrestohen në flagrancë 3 shtetas.

Nga ana e Sektorit për Hetimin e Narkotikëve dhe Trafiqeve në Drejtorinë Vendore të Policisë Fier, në bashkëpunim me FNSH Fier, u bë i mundur finalizimi i operacionit të koduar ?MESNATA? ku u arrestuan në flagrancë shtetasit:

Sh. Gj, 24 vjeç, banues në Drizë, Fier.

M. M, 35 vjeç, banues në Fier.

P. I, 27 vjeçe, banuese në Fier.

Arrestimi i tyre u bë i mundur mbi bazën e informacioneve të mara më parë në rrugë operative se në lokalin ?New York? në lagjen “Apollonia” Fier gjatë një feste ?Party? që do të zhvillohej aty do të shitej lëndë narkotike.

Mbi bazën e këtij informacioni, është organizuar puna dhe në bashkëpunim me FNSH Fier, gjatë mesnatës, është shkuar në lokalin ?New York? dhe është ushtruar kontroll personave dhe ambienteve të këtij lokali që ishte në administrim nga shtetasit Sh. Gj dhe M. M.

Nga kontrolli i ushtruar në një dhomë me mbishkrimin ?Private? u gjendën dhe u sekuestruan në cilësinë e provës materiale 36 copë paketime (porcione) me lëndë narkotike e dyshuar Kokainë, një peshore elektronike, një palë gërshërë, një fletore shënimesh etj.

Gjatë kohës së kontrollit fizik të personave që ishin në këtë lokal dhe më konkretisht të shtetases P. I, në çantën e saj të krahut i janë gjetur dhe sekuestruar në cilësinë e provës materiale 2 (dy) thika me teh të përkulshëm të dyshuara si armë të ftohta.

Po kështu shtetasja Pranvera Isufaj ka kundërshtuar hapur veprimet e policisë duke përdorur dhe forcën me veprime aktive e për pasojë ka penguar në kryerje e detyrës punonjësit e policisë si dhe i ka ofenduar ata.

Materialet proceduriale i kaluan Prokurorisë pranë Gjykatës së Shkallës së Parë Fier, në ngarkim të të arrestuarëve Sh. Gj dhe M. M, për veprën penale ?Prodhimi dhe shitja e lëndëve narkotike?, ?Përshtatja e lokalit për përdorim droge? dhe ?Nxitja për përdorimin e drogës? parashikuar nga Nenet 283/2, 285/a dhe 286 të Kodit Penal, dhe ndaj shtetases P. I, për veprat penale ?Prodhimi, mbajtja, blerja apo shitja pa leje e armëve të ftohta? dhe ?Kundërshtimi i punonjësit të policisë së rendit publik? parashikuar nga Nenet 279 dhe 236/2 të Kodit Penal.