Parlamentaret ruse po çudisin botën me flokët e tyre

10 Mars 2018, 13:40, Lifestyle CNA

Nëse do të na duhej të bënim vetëm një xhiro pranë parlamentit rus me siguri do të kalonim në asfiksi. Vetëm pak blloqe larg ndërtesës së Kremlinit ndodhet një sallon bukurie në të cilin kurojnë imazhin e tyre shumë prej grave të këtij parlamenti. Fakti që është pranë kësaj ndërtese ka bërë që ky sallon të jetë i preferuari i deputeteve dhe me shumë mundësi ?fajtori? që këto gra kanë flokë aq të çuditshëm.

Një krehje në të cilën llaku i flokëve dhe karficat përdoren pa kursim duket se është specialiteti që ky vend ofron për klientet e tij. Disa prej grave deputete e kanë të preferuarin e tyre dhe këtë na e dëshmojnë modelet e flokëve.

?Alo! Më bëj një palë flokë të fryrë! Më falni, plasni një dinamit në flokët e mi më mirë!?

Ky model kujtdo do t?i kujtonte krehjet e viteve 80-të, ndërsa për gratë ruse është një mënyrë për të treguar një moshë të caktuar. Zakonisht flokët e këtillë shoqërohen me vathë të mëdhenj, thonj ekstra të gjatë dhe xhaketa me supe të ngritur.

“Nuk ka rëndësi se sa shumë ne mundohemi t?u tregojmë klienteve tona se pamja e tyre është jashtë mode, dhe se një pamje më e thjeshtë do t?u shkonte më shumë. Për to nuk duket asgjë më bukur sesa krehja e tyre në formë helmete.? Kështu shprehet Larisa Botolova, parukiere me 25 vite eksperiencë në ?ndërtimin e maleve? në kokat e këtyre grave.

Ky stilim u bë popullor në Rusi në kohën e Partisë Komuniste. Që atëherë vitet kanë kaluar por flokët e këtyre grave kanë mbetur njësoj.

Disa nga këto modele kanë arritur të shkaktojnë një reagim më të çuditshëm se disa të tjera. Para disa kohësh një parlamentar rus i quajtur Alfred Kokh vuri në dukje pamjen e dy prej kolegeve të tij të cilat kishin këtë lloj krehje.

?Nëse kjo është ajo që ato kanë jashtë kokës së tyre atëherë jam dyshues për atë që kanë brenda saj? Këto gra bëjnë ligjin në vendin tonë!? Kështu ka shkruar Kokh lidhur me pamjen e deputeteve Nina Baranova dhe Valentina Petrenko.

Ky postim u komentua shumë, madje njëri prej komenteve ishte: ?Fytyra e parlamentit tonë nuk është kaq e frikshme sa flokët e tyre.?

?Një herë isha në të njejtin sallon me njërën prej grave deputete, sapo parukierja mbaroi punë në flokët e saj, zonja u ngrit dhe i rregulloi edhe një herë ato,? thotë Misroslava Duma, kuratore imazhi pranë ?It- girl Russia?.

Sipas saj shumë prej grave të pushtetshme ruse nuk pranojnë të dëgjojnë këshillat e specialistëve kur vjen puna te pamja e tyre. Madje ato refuzojnë edhe kur është fjala për të punësuar një të tillë./CNA